ജനുവരി അഞ്ച് മുതൽ തീയറ്ററുകൾ തുറക്കാമെന്ന് മുഖ്യമന്ത്രി പിണറായി വിജയൻ അറിയിച്ചു.
ഒരു വര്ഷത്തോളമായി തീയറ്ററുകള് പൂര്ണമായി അടഞ്ഞുകിടക്കുകയാണ്. ചലച്ചിത്ര രംഗവുമായി ബന്ധപ്പെട്ടു പ്രവര്ത്തിക്കുന്ന ആയിരക്കണക്കിനാളുകള് ഇതുമൂലം വലിയ പ്രതിസന്ധിയിലാണ്. ഇതു കണക്കിലെടുത്ത് നിയന്ത്രണങ്ങളോടെ തീയറ്ററുകള് തുറക്കാന് തീരുമാനിച്ചതെന്നും മുഖ്യമന്ത്രി അറിയിച്ചു.
തീയറ്ററിലെ സീറ്റിന്റെ പകുതി പേരെ മാത്രമേ പ്രവേശിപ്പിക്കാവൂ. പകുതി ടിക്കറ്റ് മാത്രമേ വില്ക്കാന് പാടുള്ളൂ. അതോടൊപ്പം, ആരോഗ്യവകുപ്പ് നിര്ദേശിക്കുന്ന കോവിഡ് മാനദണ്ഡങ്ങള് കര്ശനമായി പാലിക്കുകയും വേണം.
നിബന്ധനകള് പാലിച്ചില്ലെങ്കില് തീയറ്ററുകള്ക്കെതിരെ കര്ശന നടപടിയുണ്ടാകും. ഇത്രയും കാലം അടഞ്ഞുകിടന്നതുകൊണ്ട് തുറക്കുന്ന അഞ്ചാം തീയതിക്കുമുമ്പു തന്നെ തീയറ്ററുകള് അണുമുക്തമാക്കേണ്ടതാണെന്നും മുഖ്യമന്ത്രി കൂട്ടിച്ചേർത്തു.