രാജ്യത്ത് പെട്രോൾ വില വീണ്ടും കൂട്ടി .. കക്കൂസ് പണി പുനരാരംഭിച്ചെന്ന് സോഷ്യൽ,, മീഡിയ സഹികെട്ട് ജനങ്ങൾ

 ദില്ലി : രാജ്യത്ത് വീണ്ടും പെട്രോളിനും ഡീസലിനും വില കൂടി. പെട്രോൾ 25 പൈസയാണ് വില  കൂടിയത്. ഡീസൽ 26 പൈസയു൦ കൂടി. അന്താരാഷ്ട്രവിപണിയിൽ എണ്ണവില കുറഞ്ഞിരിക്കുന്ന സാഹചര്യത്തിലാണ് വീണ്ടും രാജ്യത്ത് എണ്ണക്കമ്പനികൾ വില കൂട്ടിയിരിക്കുന്നത്. സംസ്ഥാനനികുതി കൂടി കണക്കിലെടുക്കുമ്പോൾ, കേരളത്തിൽ പെട്രോളിനും ഡീസലിനും വില കൂടും. 

കൊച്ചിയിലെ ഇന്നത്തെ പെട്രോൾ വില 85.11 രൂപയാണ്. ഡീസൽ വില 79.24 രൂപയായി.

പെട്രോളിയം ഉൽപ്പന്നങ്ങളുടെ  ഇറക്കുമതിച്ചുങ്കവും ക്രൂഡ് ഓയിൽ വിലയും അടിസ്ഥാനപ്പെടുത്തിയാണ് ഇന്ധനവില നിലവിൽ നിർണയിക്കുന്നത്. കഴിഞ്ഞയാഴ്ചയും  ഇന്ധനവില കൂട്ടിയിരുന്നു.