കണ്ണൂര്: അയല്വാസികള് തമ്മിലുള്ള തര്ക്കത്തിനിടെ ഒരാള് വെടിയേറ്റ് മരിച്ചു. കണ്ണൂര് ചെറുപുഴയിലാണ് സംഭവം. കാനംവയല് ചേനാട്ട് കൊല്ലിയിലെ കൊങ്ങോലയില് സെബാസ്റ്റ്യനാണ് (ബേബി) മരിച്ചത്. അയല്വാസി ടോമിയായിരുന്നു വെടിവച്ചത്. ഇന്ന് രാവിലെ എട്ട് മണിയോടെയായിരുന്നു സംഭവം. നാട്ടുകാരും ബന്ധുക്കളും ചേര്ന്ന് സെബാസ്റ്റ്യനെ ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. പ്രതി ഒളിവിലാണെന്ന് പൊലീസ് അറിയിച്ചു.
ടോമി മദ്യപിച്ച് ബഹളമുണ്ടാക്കുന്നത് പതിവാണെന്നും ഇത് സെബാസ്റ്റ്യന് ചോദ്യം ചെയ്തതാണ് തര്ക്കത്തിന് ഇടയാക്കിയതെന്നുമാണ് പൊലീസ് പറയുന്നത്. പ്രദേശത്ത് കാട്ടുപന്നികളുടെ ശല്യം രൂക്ഷമായതിനാല് ഇവിടെ കള്ളത്തോക്കുകള് വ്യപകമാണ്.ടോമിയുടെ കൈയിലുള്ളതും കള്ളത്തോക്കാണെന്നാണ് കരുതുന്നത്.
