കഴിഞ്ഞ മാസം 25 നാണ് താപനില ഉയർന്ന് ഉഷ്ണക്കാറ്റ് ആരംഭിച്ചത്. ബ്രിട്ടിഷ് കൊളംബിയയിൽ മാത്രം 486 പേരാണു മരിച്ചത്. കഴിഞ്ഞ 80 വർഷത്തിനിടെ ഏറ്റവും ഉയർന്ന താപനിലയാണ് ഇവിടെ രേഖപ്പെടുത്തിയത്.
വായുസഞ്ചാരം കുറഞ്ഞ വീടുകളിൽ തനിയെ താമസിക്കുന്ന വയോധികരാണു മരിച്ചവരിലേറെയും. കാനഡയിൽ ഏറ്റവും ഉയർന്ന താപനില രേഖപ്പെടുത്തിയ ലിറ്റനിൽ (49.6) നിന്ന് കഴിഞ്ഞയാഴ്ച തന്നെ താമസക്കാരിലേറെയും ഒഴിഞ്ഞുപോയി. യുഎസിന്റെ വടക്കുപടിഞ്ഞാറൻ മേഖലയും കൊടുംചൂടിന്റെ പിടിയിലാണ്. ഓറിഗനിൽ 95 പേരും വാഷിങ്ടൻ സംസ്ഥാനത്തു 30 പേരും മരിച്ചു.