പൊതു മാര്ക്കറ്റില് നന്നായി ഇടപെടുന്ന നിലപാടാണ് കേരളത്തില് ഇടത് സര്ക്കാര് സ്വീകരിച്ചിട്ടുള്ളത്. സപ്ലൈക്കോ വഴിയും കണ്സ്യൂമര്ഫെഡും ന്യായവിലയ്ക്ക് സാധനങ്ങള് ലഭ്യമാക്കുന്നുണ്ട്. കഴിഞ്ഞ ആറ് വര്ഷമായി പതിമൂന്ന് നിത്യോപയോഗ സാധനങ്ങള് സപ്ലൈക്കോയില് വില വര്ധിച്ചിട്ടില്ലെന്നും മന്ത്രി പറഞ്ഞു.
ആന്ധ്രയില് നിന്നുള്ള ഉത്പന്നങ്ങള് കേരളത്തില് വില കുറച്ച് വിതരണം ചെയ്യാനുള്ള ശ്രമം നടത്തുന്നുണ്ടെന്നും മന്ത്രി കൂട്ടിച്ചേര്ത്തു.
ആളുകള്ക്ക് ജോലി പോലും ഇല്ലാതിരുന്ന കാലത്താണ് കിറ്റ് നല്കിയത്. ഇപ്പോള് തൊഴില് ചെയ്യാന് പറ്റുന്ന സാഹചര്യമുണ്ട്. വരും മാസങ്ങളില് കിറ്റ് കൊടുക്കുന്ന കാര്യം സര്ക്കാരിന്റെ പരിഗണനയിലോ ആലോചനയിലോ ഇല്ലെന്നും മന്ത്രി വ്യക്തമാക്കി