കുവെെറ്റ്: ബാൽക്കണിയിൽ വസ്ത്രം ഉണക്കാൻ ഇട്ടാൽ നിയമലംഘനമായി കാണും എന്ന് കുവെെറ്റ്. വലിയ തുകയാണ് പിഴയായി അടക്കേണ്ടി വരുക. നിയമ പരിഷ്കരണം നടത്തിയത് കുവെെറ്റ് മുൻസിപാലിറ്റിയാണ്. 500 ദിനാർ ആണ് പിഴ അടക്കേണ്ടി വരുക. അത് കൂടാതെ മറ്റു നിയമലംഘനങ്ങൾക്കും കടുത്ത ശിക്ഷയാണ് ഉണ്ടാകുക. രാജ്യത്ത് പൊതു ശുചത്വം പാലിക്കുന്നതിന് വേണ്ടിയാണ് ഈ പുതിയ ചട്ടം കൊണ്ടുവന്നിരിക്കുന്നത്. പൊതുശുചിത്വം കൂടാതെ ചവറ്റുകുട്ട ഗതാഗതം എന്നിവ സംബന്ധിച്ച് തയാറാക്കിയ പുതിയ കരട് ഓർഡിനൻസ് അവലോകനം ചെയ്യാനും കൗൺസിലിന്റെ ലീഗൽ ആൻഡ് ഫിനാൻഷ്യൽ കമ്മിറ്റിയെ ചുമതപ്പെടുത്തിയിരിക്കുന്നത്.
നിലവിൽ ഫ്ലാറ്റിന്റെ ബാൽക്കണിയിലും ജനലിലും വസ്ത്രം ഉണക്കാനിടുന്നത് നിയമ ലംഘനം ആണ്. 100 മുതൽ 300 ദിനാൽ വരംയാണ് പിഴ ലഭിക്കുക. ഇതാണ് ഇപ്പോൾ ഉയർത്തിയിരിക്കുന്നത്. 500 ദിനാർ ആക്കിയാണ് ഇത് ഉയർത്തിയിരിക്കുന്നത്. ഇതിന് വേണ്ടിയുള്ള നിർദ്ദേശം കുവെെറ്റ് മുൻസിപാലിറ്റി നൽകി കഴിഞ്ഞു. ബാൽകണിിൽ തുണികൾ വിരിക്കുന്നത് കെട്ടിടങ്ങളുടേയും നഗരത്തിന്റെയും ഭംഗി നഷ്ടപ്പെടുത്തും. കൂടാതെ ബാൽക്കണിയിൽ ഫർണിച്ചറുകളും മറ്റു അനാവശ്യ സാധനങ്ങൾ കൂട്ടിയിടുന്നതും നിയമ ലംഘനം ആയാണ് കാണുന്നത്.
കൂടാതെ അനുവദനീയമല്ലാത്ത സ്ഥലത്ത് ഗ്രില്ലിങ് നടത്തുന്നതും വലിയ കുറ്റമാണ്. നഗരത്തിലെ തെരുവുകൾ, പൊതുപാർക്കുകൾ, വാട്ടർഫ്രണ്ടുകൾ, സ്ക്വയറുകൾ, സർക്കാർ ഉടമസ്ഥതയിലുള്ള സ്ഥലങ്ങൾ എന്നിവിടങ്ങലിൽ എല്ലാം ഗ്രില്ലിങ് നടത്തുന്നത് വലിയ കുറ്റമാണ്. ഇത്തരം പ്രവർത്തികൾ ചെയ്യുന്നവർക്ക് 5000 ദിനാർ ആണ് പിഴ ഈടാക്കും. കാർപെറ്റ് പോലുള്ള വസ്തുക്കൾ റോഡിൽ കഴുകിയിടുന്നതും ഫർണിച്ചറുകൾ കൂട്ടിയിടുന്നതും വലിയ കുറ്റമായി കാണുന്നു.