ഏറ്റുമാനൂർ : കോട്ടയം - എറണാകുളം പാതയിലെ നൂറുകണ ക്കിന് സ്ഥിരം യാത്രക്കാ രുടെ വർഷങ്ങൾ നീണ്ട ആവശ്യത്തിനൊടുവിൽ ഏറ്റുമാനൂരിൽ പാലരുവി എക്സ്പ്രസി ന് സ്റ്റോപ്പ് അനുവദിച്ചു. സ്റ്റോപ്പ് അനുവദിച്ചു കൊണ്ടുള്ള വിജ്ഞാപനം റെയിൽവേ പുറത്തി റക്കി.
പാലരുവി എക്സ്പ്രസിന് ഏറ്റുമാനൂരിന് പുറമേ തെന്മലയിലും, അങ്കമാലിയിലും ഇതോടൊപ്പം സ്റ്റോപ്പ് അനുവദിച്ചി ട്ടുണ്ട്.
രാവിലെ 6.45 ഓടെ
ഏറ്റുമാനൂരിൽ നിർത്തുന്ന കൊല്ലം-എറണാകുളം പാസഞ്ചർ കഴിഞ്ഞാൽ 8.45 ഓടെ എത്തുന്ന വേണാട് എക്സ്പ്രസ് മാത്രമാണ് ഏറ്റുമാനൂർ സ്റ്റേഷനിൽ സ്റ്റോപ്പുള്ള ത്. വേണാട് പതിവായി വൈകി എത്തുന്നത് എറണാകുളത്ത് ജോലി ചെയ്യുന്ന സ്ഥിരം യാത്രക്കാർക്ക് ഏറെ ദുരിതമായിരുന്നു. ഇതിനിടയിൽ കടന്നു പോകുന്ന പാലരുവിക്ക് സ്റ്റോപ്പ് അനുവദിച്ചാൽ പ്രതിസന്ധിക്ക് ഒരു പരിധി വരെ പരിഹാര മാകുമെന്ന് യാത്രക്കാർ ചൂണ്ടിക്കാട്ടിയിരുന്നു.
യാത്രാക്ലേശം ചൂണ്ടി ക്കാട്ടി പലവട്ടം ജന പ്രതിനിധികളെയും, റെയിൽവേ അധികൃ തരെയും സമീപിച്ചിരു ന്നു. നടപടിയില്ലാതായ തോടെ ഫ്രണ്ട്സ് ഓൺ റെയിൽ ഏറ്റുമാനൂരി ൻ്റെ നേതൃത്വത്തിൽ നൽകിയ നിവേദനങ്ങ ൾക്കും, സമരങ്ങൾക്കുമൊടുവിലാണ് ഇപ്പോൾ സ്റ്റോപ്പ് അനുവദിച്ച് റെയിൽവേ ഉത്തരവായിരിക്കുന്നത്.
സ്റ്റോപ്പ് അനുവദിക്കാനു ള്ള നടപടികൾ പൂർത്തി യായതായും എത്രയും പെട്ടെന്ന് തീയതി പ്രഖ്യാപിച്ച് ഉത്തരവ് നടപ്പിലാക്കുമെന്ന പ്രതീക്ഷയാണ് യാത്ര ക്കാർക്ക് ഉള്ളതെന്ന് ഏറ്റുമാനൂർ സ്റ്റോപ്പിന് വേണ്ടി മുന്നിട്ടിറങ്ങിയ ഫ്രണ്ട്സ് ഓൺ റെയിൽ സ് പ്രതിനിധികളായ അജാസ് വടക്കേടം, ശ്രീജിത്ത് കുമാർ ഫ്രണ്ട്സ് ഓൺ റെയിൽസ് സെക്രട്ടറി ലിയോൺസ് ജെ എന്നിവർ പറഞ്ഞു.