കാസർഗോഡ്: നവകേരള ബസ് വിവാദത്തിൽ പ്രതികരണവുമായി മുഖ്യമന്ത്രി പിണറായി വിജയൻ. നവകേരള സദസ് ഉദ്ഘാടനത്തിനിടെയാണ് അദ്ദേഹം പ്രതികരിച്ചത്.
"യാത്ര തുടങ്ങുന്നതിന് മുന്‍പേ ബസിന്‍റെ ആഢംബരത്തെ കുറിച്ചായിരുന്നു ചര്‍ച്ച. ആദ്യമായാണ് തങ്ങളും ഈ ബസില്‍ കയറുന്നത്. എന്നാല്‍ ബസിന്‍റെ ആഢംബരം എന്താണെന്ന് എത്ര പരിശോധിച്ചിട്ടും. കണ്ടില്ല.
ഈ പരിപാടിക്ക് ശേഷം എല്ലാവരും ഇവിടെ നിന്ന് അതേബസില്‍ കയറിയാണ് കാസർഗോട്ടേക്ക് തിരിച്ചുപോകുക. മാധ്യമപ്രവര്‍ത്തകരോട് ഒരഭ്യര്‍ഥനയുള്ളത് എല്ലാവരും ഈ ബസില്‍ കയറണം.
നിങ്ങള്‍ എന്തെല്ലാം കൊടുത്താലും നിങ്ങളുമായി നല്ല ബന്ധമാണ് പുലര്‍ത്തിപ്പോരുന്നത്. നിങ്ങള്‍ക്ക് ഈ ബസ് പരിശോധിച്ച് ഈ ബസില്‍ എത്ര ആര്‍ഭാടമുണ്ടെന്ന് കാട്ടിക്കൊടുക്കണം.'- മുഖ്യമന്ത്രി പറഞ്ഞു.