.webp)
ഉപ്പള: ആംബുലന്‍സ് മോഷ്ടിച്ചു കൊണ്ടുപോകുന്നതിനിടെ അപകടത്തില്‍പ്പെട്ട മോഷ്ടാവിനെ നാട്ടുകാരുടെ സഹായത്തോടെ പോലിസ് പിടികൂടി. കാസർകോട് ഉപ്പള പത്വാടിയിലെ മുഹമ്മദ് നൗഫല്‍ എന്ന സവാദ് (21) ആണ് അറസ്റ്റിലായത്. വെള്ളിയാഴ്ച വൈകുന്നേരം ഉപ്പളയിലാണ് സംഭവം.ആശുപത്രിക്ക് സമീപം നിര്‍ത്തിയിട്ടിരുന്ന ആംബുലൻസാണ് സവാദ് മോഷ്ടിച്ചത്. പച്ചിലംപാറ സ്വദേശിയായ ഡ്രൈവര്‍ രോഗിയെ ഇറക്കി ഉപ്പളയിലെ സ്വകാര്യ ആശുപത്രിയുടെ സമീപത്ത് ആംബുലന്‍സ് നിര്‍ത്തിയിട്ട് കടയിലേക്ക് പോയതായിരുന്നു. ഇതിനിടയിലാണ് മോഷ്ടാവ് ആംബുലന്‍സുമായി കടന്നു കളഞ്ഞത്. ഡ്രൈവര്‍ തിരിച്ചു വന്നപ്പോള്‍ ആംബുലന്‍സ് കാണാത്തതിനെ തുടര്‍ന്ന് ഉടന്‍ മഞ്ചേശ്വരം പോലിസില്‍ വിവരം നല്‍കി.എസ്ഐ നിഖിലിന്റെ നേതൃത്വത്തില്‍ പോലിസ് സ്ഥലത്തെത്തുകയും ഡ്രൈവറോട് വിവരങ്ങള്‍ തേടുകയും ചെയ്തു. ജിപിഎസ് സംവിധാനമുള്ളതിനാല്‍ സൈബര്‍ സെല്ലിന്റെ സഹായത്തോടെ തെരച്ചില്‍ നടത്തി. ആംബുലന്‍സുമായി മോഷ്ടാവ് കര്‍ണാടകയ്ക്കടുത്ത് ബഡാജെ ചൗക്കി ഭാഗത്തെത്തിയതായും വിവരം ലഭിച്ചു.