ശനിയാഴ്ച വൈകീട്ട് ഏഴരയോടെയാണ് വായ്പൂർ വെട്ടിപ്ളാക്കൽ അബ്ദുൾ റഷീദ് മുസലിയാർ അന്തരിച്ചത്. 79 വയസ്സായിരുന്നു. അർബുദബാധിതനായി കാഞ്ഞിരപ്പള്ളി കുന്നേൽ ആശുപത്രിയിൽ ചികിത്സയിൽ കഴിയവെയാണ് മരണം സംഭവിച്ചത്.
അർബുദബാധിതനായി ചികിത്സയിലായിരുന്നെങ്കിലും രണ്ട് മാസം മുൻപുവരെ ശബരിമലയിലെ ചുമതലകൾ നിർവഹിച്ചിരുന്നു. ഭാര്യ: ഏന്തയാർ പള്ളിവീട് നസീമബീവി. മക്കൾ: ഷിയാസ് റഷീദ് (സൗദി), സജിത, സബിത, സൈറ. മരുമക്കൾ: താഹ (ഈരാറ്റുപേട്ട), സലിം (കാഞ്ഞിരപ്പള്ളി), ഫാത്തിമ, പരേതനായ ജാഫർ. ഖബറടക്കം ഞായറാഴ്ച 11.30-ന് വായ്പൂർ പഴയപള്ളി കബറിസ്താനിൽ.