കുവൈറ്റ് സിറ്റി: കുവൈറ്റിൽ ഫോർത്ത് റിങ് റോഡിൽ വാഹനത്തിന് തീപിടിച്ചു. വാഹനം പൂർണ്ണമായും കത്തിനശിച്ചു. വിവരം അറിയിച്ചതിനെ തുടർന്ന് ഹവല്ലിയിലെ അഗ്നിരക്ഷാ സേന എത്തിയാണ് തീ നിയന്ത്രണ വിധേയമാക്കിയത്. ഫിഫ്ത്ത് റിങ് റോഡിൽ അറ്റകുറ്റപ്പണികൾ നടക്കുന്നതിനാൽ കനത്ത ഗതാഗതക്കുരുക്ക് അനുഭവപ്പെട്ടിരുന്നവെന്നും അപ്പോഴാണ് റോഡിൻ്റെ സമീപത്തായി ഒരു വാഹനത്തിന് തീപിടിച്ചതെന്നും ഫയർ ഫോഴ്സ് അധികൃതർ അറിയിച്ചു.
തീപിടിത്തത്തെ തുടർന്ന് ഗതാഗത തടസ്സം ഉണ്ടാകുകയും സാൽമിയ ഭാഗത്തേക്കുള്ള റോഡ് പൂർണ്ണമായും അടച്ചാണ് സ്ഥിതിഗതികൾ നിയന്ത്രണ വിധേയമാക്കിയതെന്ന് അധികൃതർ അറിയിച്ചു. ഇലക്ട്രിക്കൽ ഷോർട്ട് സർക്യൂട്ടാകാം തീപിടിത്തത്തിന് കാരണമെന്നാണ് പ്രാഥമിക നിഗമനം.