പുനെ: മഹാരാഷ്ട്രയിലെ പുനെയിൽ നടപ്പാലം തകർന്നുണ്ടായ അപകടത്തിൽ 2 വിനോദസഞ്ചാരികൾ മരിച്ചു. ഇന്ദ്രായണി നദിക്ക് സമീപം കുന്ദ്മാല വിനോദസഞ്ചാര കേന്ദ്രത്തിലാണ് അപകടമുണ്ടായത്. അപകടമുണ്ടായ സമയത്ത് 20 ഓളം വിനോദസഞ്ചാരികൾ പാലത്തിലുണ്ടായിരുന്നതായാണ് വിവരം. 32 പേർക്ക് പരുക്കേറ്റിട്ടുണ്ട്. ഇതിൽ 6 പേരുടെ നില ഗുരുതരമാണ്.
എൻഡിആർഎഫും പൊലീസും സ്ഥലത്ത് രക്ഷാപ്രവർത്തനം ആരംഭിച്ചു. 8 വിനോദസഞ്ചാരികളെ രക്ഷപ്പെടുത്തിയിട്ടുണ്ട്. 2 സ്ത്രീകൾ ഇപ്പോഴും പാലത്തിനടിയിൽ കുടുങ്ങിക്കിടക്കുകയാണെന്നാണ് സൂചന. മരണസംഖ‍്യ ഉയരാൻ സാധ‍്യതയുണ്ടെന്ന് അധികൃതർ അറിയിച്ചു.