പാമ്പാടി : - നവലോകം സാംസ്കാരിക കേന്ദ്രത്തിന്റെ ആഭിമുഖ്യത്തിൽ
മലയാള സാഹിത്യത്തിലെ അനശ്വര പ്രതിഭയും എഴുത്തച്ഛൻ പുരസ്കാര ജേതാവുമായ പൊൻകുന്നം വർക്കിയുടെ ഇരുപത്തിയൊന്നാം ചരമവാർഷിക ദിനത്തിൽ അനുസ്മരണം സംഘടിപ്പിച്ചു . .
പാമ്പാടി പെരുഞ്ചേരി വസതിയിലെ
സ്മൃതി മണ്ഡപത്തിൽ പുഷ്പാർച്ചനക്ക് ശേഷം നടന്ന അനുസ്മരണ സമ്മേളനം നവലോകം ട്രസ്റ്റ് ചെയർമാനും സംസ്ഥാന സഹകരണ, തുറമുഖ, ദേവസ്വം വകുപ്പ് മന്ത്രിയുമായ വി എൻ വാസവൻ ഉദ്ഘാടനം ചെയ്യതു . നവലോകം സാംസ്കാരിക കേന്ദ്രം വൈസ് പ്രസിഡന്റ് കോര മാത്യു
അധ്യക്ഷത വഹിച്ച യോഗത്തിൽ
വിവിധ രാഷ്ട്രീയ, സാമൂഹിക, സാംസ്കാരിക നേതാക്കളായ കെ എം രാധാകൃഷ്‌ണൻ, റെജി സഖറിയ, ഇ എസ് സാബു ,വി എം പ്രദീപ്,
സി എം മാത്യു, പ്രസന്നൻ ആനിക്കാട്, ഒ സി ചാക്കോ , നവലോകം സാംസ്കാരിക കേന്ദ്രം പ്രസിഡന്റ് രാജൻ ജോർജ് പണിക്കർ ,
പൊൻകുന്നം വർക്കിയുടെ മകൻ ജോണി തുടങ്ങിയർ അനുസ്മരണ പ്രഭാഷണം നടത്തി . തുടർന്ന് നടന്ന സാഹിത്യ സമ്മേളനത്തിൽ ചെറുകഥാ രംഗത്ത് പൊൻകുന്നം വർക്കിയുടെ സമഗ്ര സംഭാവനകൾ എന്ന വിഷയത്തിൽ
കോതമംഗലം എം എ കോളേജ് മലയാള വിഭാഗം മുൻ മേധാവി പ്രൊഫസർ കെ വി ശശിധരൻ നായർ പ്രബന്ധം അവതരിപ്പിച്ചു, തുടർന്ന് സാഹിത്യ ചർച്ചയും നടന്നു