പട്ടാപ്പകല്‍ റോഡിലൂടെ പോയ ​ഗൃഹനാഥന് നേരെ കുറുക്കന്‍റെ ആക്രമണം


പട്ടാപ്പകല്‍ റോഡിലൂടെ പോയ ​ഗൃഹനാഥന് നേരെ കുറുക്കന്‍റെ ആക്രമണം. കഴുത്തിന് കടിയേറ്റ് ഗൃഹനാഥന് പരിക്ക്. നാദാപുരം ചിയ്യൂരിലാണ് നാടിനെ നടുക്കിയ സംഭവം നടന്നത്. 60 കാരനായ തയ്യില്‍ ശ്രീധരനാണ് പരിക്കേറ്റത്. സാരമായി പരിക്കേറ്റ ശ്രീധരനെ നാദാപുരം താലൂക്ക് ആശുപത്രിയില്‍ പ്രഥമ ചികിത്സ നല്‍കിയ ശേഷം കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റി.

വീടിന് സമീപത്തെ റോഡില്‍ വച്ചാണ് ശ്രീഥരന് കടിയറ്റത്. കടിയേറ്റതിന് പിന്നാലെ കുറുക്കനെ കീഴ്‌പ്പെടുത്തിയ ശ്രീധരന്‍ നാട്ടുകാരെ വിവരമറിയിക്കുയും ഓടിക്കൂടിയ നാട്ടുകാര്‍ കുറുക്കനെ കൊല്ലുകയും ചെയ്തു. പ്രദേശത്തെ കാടുമൂടിയ വഴികളിലും കൃഷിയിടങ്ങളിലും കുറുക്കന്‍മാരുടെ ശല്യം രൂക്ഷമാണെന്ന് നാട്ടുകാര്‍ ആരോപിച്ചു.

Previous Post Next Post