തുടർന്ന് വീട്ടിലുണ്ടായിരുന്ന കോടാലി ഉപയോഗിച്ച് പ്രതി ആദർശിന്റെ തലയ്ക്കടിക്കുകയായിരുന്നു. പിന്നാലെ ശരീരത്തിന്റെ വിവിധ ഭാഗങ്ങളിൽ വെട്ടിയതായും പൊലീസ് പറയുന്നു. കൊലപാതകത്തിന് പിന്നാലെ പ്രതി തന്നെയാണ് വിവരം പൊലീസിനെ അറിയിച്ചത്. സംഭവത്തിന് ഏകദേശം മൂന്ന് മണിക്കൂറിന് ശേഷം പ്രതി കൊട്ടാരക്കര പൊലീസിനെ ഫോണിൽ വിളിച്ച് താൻ കൊലപാതകം നടത്തിയതായി അറിയിക്കുകയായിരുന്നു. തുടർന്ന് പൊലീസ് സ്ഥലത്തെത്തി പ്രതിയെ കസ്റ്റഡിയിലെടുത്തു. സംഭവത്തിൽ കൊട്ടാരക്കര പൊലീസ് അന്വേഷണം ആരംഭിച്ചിട്ടുണ്ട്.