തൃശൂർ വടക്കുംനാഥ ക്ഷേത്രത്തിൻ്റെ തെക്കേ ഗോപുര നടയിൽ യുവാവ് കിണറ്റിൽ വീണു. ചെമ്പുക്കാവ് സ്വദേശിയായ ബാബു എന്ന ആളാണ് കിണറ്റിലേക്ക് വീണത്. കിണറിൻ്റെ കൈവരിയിൽ നിന്നും അബദ്ധത്തിൽ താഴേക്ക് വീഴുകയായിരുന്നു എന്നാണ് വിവരം. ഇന്ന് രാവിലെ 10.30 ഓടെയാണ് സംഭവം. ഇയാളെ ഇതുവരെ കണ്ടെത്താൻ കഴിഞ്ഞിട്ടില്ല. തിരച്ചിൽ തുടരുകയാണ്. രക്ഷാപ്രവർത്തനത്തിനായി പോലീസും ഫയർഫോഴ്സും എത്തിയിട്ടുണ്ട്. ഉദ്യോഗസ്ഥരുടെ സംയുക്ത പരിശോധന പുരോഗമിക്കുകയാണ്.