കൊച്ചി: ശബരിമല സ്വർണക്കൊള്ളക്കേസിൽ കട്ടിളപ്പാളി കേസിന്റെ കുറ്റപത്രം സമർപ്പിക്കാൻ പ്രോസിക്യൂഷൻ അനുമതി തേടി പ്രത്യേക അന്വേഷണസംഘം (എസ്‌ഐടി). ഇതിനായി ദേവസ്വം വകുപ്പ് സെക്രട്ടറിക്ക് അപേക്ഷ നൽകി. അനുമതി ലഭിക്കുന്ന മുറയ്ക്ക് കുറ്റപത്രം കോടതിയിൽ സമർപ്പിക്കാനാണ് അന്വേഷണസംഘത്തിന്റെ നീക്കം. അതേസമയം, ദ്വാരപാലക ശിൽപങ്ങളുമായി ബന്ധപ്പെട്ട കേസിൽ കുറ്റപത്രം സമർപ്പിക്കാൻ കൂടുതൽ സമയം അനുവദിക്കണമെന്ന് എസ്‌ഐടി ഹൈക്കോടതിയോട് ആവശ്യപ്പെട്ടു.
285 സാക്ഷികളുടെ മൊഴികൾ രേഖപ്പെടുത്തിയ ശേഷമാണ് കട്ടിളപ്പാളി കേസിലെ കുറ്റപത്രം തയ്യാറാക്കിയിരിക്കുന്നത്. ദേവസ്വം സെക്രട്ടറിയുടെ അനുമതി ലഭിക്കുന്നതോടെ കുറ്റപത്രം സമർപ്പിക്കും. 1998-ൽ ശബരിമല സന്നിധാനത്ത് സ്ഥാപിച്ച സ്വർണം പൊതിഞ്ഞ ദ്വാരപാലക ശിൽപങ്ങളിലും കട്ടിളപ്പാളികളിലും അറ്റകുറ്റപ്പണികളുടെയും പുനർനിർമാണത്തിന്റെയും പേരിൽ സ്വർണം നഷ്ടപ്പെട്ടുവെന്നാണ് കേസ്. 2019-ലും പിന്നീട് 2023-ലും ഇവ ചെന്നൈ ഉൾപ്പെടെയുള്ള സ്ഥലങ്ങളിലേക്ക് കൊണ്ടുപോയിരുന്നു. ഈ ഘട്ടങ്ങളിൽ സ്വർണം നഷ്ടപ്പെട്ടതായാണ് അന്വേഷണത്തിലെ ആരോപണം. മുൻ ദേവസ്വം ബോർഡ് പ്രസിഡന്റുമാരായ എ. പത്മകുമാർ, പി.എസ്. പ്രശാന്ത് എന്നിവരടക്കം കേസിൽ പ്രതിപ്പട്ടികയിലുണ്ട്. ഉണ്ണികൃഷ്ണൻ പോറ്റി, മുൻ ദേവസ്വം ബോർഡ് അംഗം അജികുമാർ തുടങ്ങിയവരും പ്രതികളാണ്. കേസിലെ പ്രതികൾക്കെല്ലാം നേരത്തെ ജാമ്യം ലഭിച്ചിരുന്നു. കട്ടിളപ്പാളി കേസിൽ കുറ്റപത്രം സമർപ്പിക്കാനുള്ള നടപടികൾ പുരോഗമിക്കുമ്പോൾ ദ്വാരപാലക കേസിലെ കുറ്റപത്രത്തിനായി കൂടുതൽ സമയം