സോളാര് കേസുമായി ബന്ധപ്പെട്ട ഏതന്വേഷണവും നേരിടാന് തങ്ങള് തയ്യാറാണെന്ന് ഉമ്മന്ചാണ്ടി.''ഞങ്ങളുടെ സര്ക്കാര് അധികാരത്തിലിരുന്നപ്പോള് മൂന്ന് വര്ഷവും സോളാര് കേസുമായി ബന്ധപ്പെട്ട സമരമായിരുന്നു. തുടര്ന്ന് ഈ സര്ക്കാര് അധികാരത്തില് വന്നിട്ടിപ്പോള് അഞ്ച് വര്ഷം കഴിയുന്നു. അവര് അന്ന് പറഞ്ഞ ഏതെങ്കിലുമൊരു കഥ ശരിയെന്ന് തെളിയിക്കാന് സാധിച്ചിട്ടില്ല.
അഞ്ച് വര്ഷം അധികാരത്തിലിരുന്നിട്ടും സോളാര് കേസില് ഒരു ചെറുവിരലനക്കാന് സാധിക്കാത്ത ഗവര്ണ്മെന്റ് അവരുടെ ജാള്യത മറക്കാനാണ് ഇപ്പോള് ഈ കേസ് കേന്ദ്രം ഭരിക്കുന്ന കക്ഷിയുമായി ചങ്ങാത്തം കൂടാനുള്ള തീരുമാനിച്ചിരിക്കുന്നത്. ഇതിനു മുമ്പും ഒരുപാട് കഥകള് വന്നിട്ടുണ്ട്. ആരോപണങ്ങളില് ഒന്നുപോലും തെളിയിക്കാനായില്ല. ഞങ്ങള് ഒരു നടപടിക്കും പോകില്ല. പരാതിക്കാരിയുടെ കത്തിലാണ് അന്വേഷണം. ജനങ്ങളോട് മുഖ്യമന്ത്രി മറുപടി പറയേണ്ടിവരു''മെന്നും ഉമ്മന്ചാണ്ടി പറഞ്ഞു.