ആലപ്പുഴ: വയലാറിലെ ആർഎസ്എസ് പ്രവർത്തകന്റെ കൊലപാതകവുമായി ബന്ധപ്പെട്ട് ആറ് എസ്ഡിപിഐ പ്രവർത്തകരെ പൊലീസ് കസ്റ്റഡിയിലെടുത്തു. പിടിയിലായവർ നേരിട്ട് കൊലപാതകത്തിൽ പങ്കെടുത്തവരാണെന്ന് പോലീസ് പറഞ്ഞു. കണ്ടാൽ അറിയാവുന്ന 16 പേർക്കെതിരെ പോലീസ് കേസ് എടുത്തു. എസ്ഡിപിഐ ആര്എസ്എസ് സംഘര്ഷത്തിലാണ് ആര്എസ്എസ് പ്രവര്ത്തകന് നന്ദു ഇന്നലെ കൊല്ലപ്പെട്ടത്. വയലാർ നാഗംകുളങ്ങര കവലയിൽ വച്ചാണ് പ്രവര്ത്തകര് ഏറ്റുമുട്ടിയത്. മൂന്ന് ആര്എസ്എസ് പ്രവര്ത്തകര്ക്കും മൂന്ന് എസ്ഡിപിഐ പ്രവര്ത്തകര്ക്കും സംഘര്ഷത്തില് വെട്ടേറ്റിട്ടുണ്ട്.
പാണാവള്ളി സ്വദേശി റിയാസ്, അരൂർ സ്വദേശി നിഷാദ്, എഴുപുന്ന സ്വദേശി അനസ്, വയലാർ സ്വദേശി അബ്ദുൽ ഖാദർ, ചേർത്തല സ്വദേശികളായ അൻസിൽ , സുനീർ എന്നിവരെയാണ് പൊലീസ് കസ്റ്റഡിയിലെടുത്തത്.
