റോമന് കത്തോലിക്കാ പാലക്കാട് രൂപതയാണ് നിയമസഭാ തിരഞ്ഞെടുപ്പില് ശ്രീധരന് പൂര്ണപിന്തുണ പ്രഖ്യാപിച്ചത്. ബിഷപ്പ് ഹൗസിലെത്തി ഇ ശ്രീധരന് രാവിലെ പാലക്കാട് രൂപത ബിഷപ്പ് ജേക്കബ് മനത്തോടത്തെ നേരില് കണ്ടിരുന്നു. കൂടിക്കാഴ്ചയ്ക്ക് ശേഷമാണ് തിരഞ്ഞെടുപ്പില് ഇ ശ്രീധരന് പിന്തുണ പ്രഖ്യാപിക്കുന്നതായി ബിഷപ്പ് പ്രഖ്യാപിച്ചത്.
അഴിമതി ഇല്ലാത്ത വ്യക്തിത്വമാണ് ശ്രീധരനെന്നും അദ്ദേഹത്തിന് എല്ലാ പിന്തുണയും അനുഗ്രഹവും നല്കുമെന്നും ബിഷപ്പ് മനത്തോട്ടത്തില് പറഞ്ഞു. കേരളത്തില് ഇതാദ്യമായാണ് ഒരു ക്രൈസ്തവ സഭ ബി ജെ പി സ്ഥാനാര്ത്ഥിക്ക് പരസ്യ പിന്തുണ നല്കുന്നത്. ഒരുപാട് കേട്ട ഒരു ജീവിതമാണ് ഇ ശ്രീധരന്റേത്. യുവാക്കള്ക്ക് മാതൃകയാക്കാന് പറ്റിയ ജീവിതമാണ് അദ്ദേഹത്തിന്റേത് എന്ന് മുമ്ബേ പറഞ്ഞിരുന്നു. അദ്ദേഹത്തിന് എല്ലാ വിജയാശംസകളും ഈ ഘട്ടത്തില് നല്കുകയാണെന്നും ബിഷപ്പ് മാദ്ധ്യമങ്ങളോട് പറഞ്ഞു.