ബാങ്ക് ജീവനക്കാരനായിരുന്ന കൊല്ലം ആവണീശ്വരം സ്വദേശിയായ വിജീഷ് വര്ഗീസ് ആണ് പിടിയിലായത്. ഇയാളെ ബംഗളൂരുവില് നിന്നാണ് പൊലീസ് കസ്റ്റഡിയിലെടുത്തത്.
ഇന്നലെ വൈകുന്നേരമാണ് വിജീഷ് പിടിയിലായതെന്നാണ് സൂചന. പ്രതിയ്ക്കൊപ്പം ഭാര്യയും രണ്ട് കുട്ടികളും ഉണ്ടായിരുന്നു. പത്തനംതിട്ട കാനറാ ബാങ്ക് ശാഖയിലെ വിവിധ അക്കൗണ്ടുകളില് നിന്നാണ് ഇയാള് പണം തട്ടിയത്.
14 മാസം കൊണ്ട് 191 ഇടപാടുകളിലായാണ് തട്ടിപ്പു നടത്തിയത്. 10 ലക്ഷം രൂപ നിക്ഷേപിച്ചിരുന്ന ഒരു അക്കൗണ്ട്,
ഉടമ അറിയാതെ ക്ലോസ് ചെയ്തുവെന്ന പരാതിയില് ഫെബ്രുവരി 11നാണ് ബാങ്ക് അധികൃതര് പരിശോധന ആരംഭിച്ചത്.
ഫെബ്രുവരി മുതല് വിജീഷ് കുടുംബാംഗങ്ങൾക്കൊപ്പം ഒളിവിലായിരുന്നു. ഇയാളെ ഇന്ന് പത്തനംതിട്ടയില് എത്തിക്കും.