- ടെസ്റ്റ് പോസിറ്റിവിറ്റി നിരക്ക് 20.09 %
കോട്ടയം: ജില്ലയില്‍ 1212 പേര്‍ക്ക് കൂടി കോവിഡ് സ്ഥിരീകരിച്ചു. 1185 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. ഇതില്‍ മൂന്ന് ആരോഗ്യ പ്രവര്‍ത്തകരും ഉള്‍പ്പെടുന്നു. സംസ്ഥാനത്തിന് പുറത്തുനിന്നെത്തിയ 27 പേര്‍ രോഗബാധിതരായി. 1831 പേര്‍ രോഗമുക്തരായി. പുതിയതായി 6031 പരിശോധന ഫലങ്ങളാണ് ലഭിച്ചത്. ടെസ്റ്റ് പോസിറ്റിവിറ്റി നിരക്ക് 20.09 ശതമാനമാണ്.
രോഗം ബാധിച്ചവരില്‍ 494 പുരുഷന്‍മാരും 533 സ്ത്രീകളും 185 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 239 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.
നിലവില്‍ 7230 പേരാണ് ചികിത്സയിലുള്ളത്. ഇതുവരെ ആകെ 283278 പേര്‍ കോവിഡ് ബാധിതരായി. 273247 പേര്‍ രോഗമുക്തി നേടി. ജില്ലയില്‍ ആകെ 51768 പേര്‍ ക്വാറന്റയിനില്‍ കഴിയുന്നുണ്ട്.
രോഗം ബാധിച്ചവരുടെ തദ്ദേശഭരണ സ്ഥാപന അടിസ്ഥാനത്തിലുള്ള വിവരം ചുവടെ.
കോട്ടയം-131
മണിമല-55
വിജയപുരം-50
ചങ്ങനാശേരി-48
മുളക്കുളം-39
അകലക്കുന്നം-37
കടുത്തുരുത്തി, കറുകച്ചാല്‍-36
വാകത്താനം-34
എരുമേലി-32
വാഴൂര്‍-31
മീനച്ചില്‍-27
അയര്‍ക്കുന്നം, വാഴപ്പള്ളി
ആര്‍പ്പൂക്കര-20
പുതുപ്പള്ളി, തൃക്കൊടിത്താനം, ഞീഴൂര്‍-19
തലയാഴം, പായിപ്പാട്-18
കുറിച്ചി, വൈക്കം, കാഞ്ഞിരപ്പള്ളി, കൂരോപ്പട, ചിറക്കടവ്-17
കാണക്കാരി, എലിക്കുളം, കുറവിലങ്ങാട്-16
അയ്മനം-15
വെള്ളൂര്‍, തിരുവാര്‍പ്പ്, കുമരകം, കരൂര്‍, ടി.വി പുരം, മുണ്ടക്കയം-14
രാമപുരം, ഭരണങ്ങാനം-13
ഏറ്റുമാനൂര്‍-12
പാലാ, തലയോലപ്പറമ്പ്-11
പൂഞ്ഞാര്‍, തലപ്പലം, മാഞ്ഞൂര്‍-10
വെള്ളാവൂര്‍, പാറത്തോട്, പനച്ചിക്കാട്, നെടുംകുന്നം,
പള്ളിക്കത്തോട്, കടപ്ലാമറ്റം, അതിരമ്പുഴ, കിടങ്ങൂര്‍, മരങ്ങാട്ടുപിള്ളി-8
പാമ്പാടി, തീക്കോയി, ചെമ്പ്, ഈരാറ്റുപേട്ട, തിടനാട്-7
മാടപ്പള്ളി, കടനാട്, നീണ്ടൂര്‍, കങ്ങഴ, ഉദയനാപുരം, ഉഴവൂര്‍-6
മുത്തോലി-5
കോരുത്തോട്-4
മണര്‍കാട്, പൂഞ്ഞാര്‍ തെക്കേക്കര-3
വെളിയന്നൂര്‍, വെച്ചൂര്‍, കൊഴുവനാല്‍, മീനടം, മേലുകാവ്-2
തലനാട്, മൂന്നിലവ്, മറവന്തുരുത്ത്-1
(കെ. ഐ. ഒ. പി. ആര്‍. 2101/ 21)
വാക്സിനേഷന്‍: സെപ്റ്റംബര്‍ 30 വരെ ജില്ലയിലെ എല്ലാ കേന്ദ്രങ്ങളിലും സ്പോട്ട് ബുക്കിംഗ്
സെപ്റ്റംബര്‍ 30 വരെ ഞായറാഴ്ചയൊഴികെയുള്ള എല്ലാ ദിവസവും ആളുകള്‍ക്ക് നേരിട്ട് കേന്ദ്രങ്ങളിലെത്തി കോവിഷീല്‍ഡ് വാക്സിന്‍ സ്വീകരിക്കാം. cowin.gov.in എന്ന പോര്‍ട്ടലില്‍ ഓണ്‍ലൈന്‍ ആയി ബുക്ക് ചെയ്യാനും സൗകര്യമുണ്ട്. ഒന്നാം ഡോസ് ഇതുവരെ സ്വീകരിക്കാത്തവര്‍ സെപ്റ്റംബര്‍ 18നകം സ്വീകരിക്കേണ്ടതാണ്.
കോവിഷീല്‍ഡ് ആദ്യ ഡോസ് സ്വീകരിച്ച് 84 ദിവസം പൂര്‍ത്തിയായവര്‍ക്കും ഓണ്‍ലൈന്‍ ആയി ബുക്ക് ചെയ്‌തോ നേരിട്ടെത്തിയോ വാക്സിന്‍ സ്വീകരിക്കാം. ജില്ലയിലെ 89 സര്‍ക്കാര്‍ വാക്സിനേഷന്‍ കേന്ദ്രങ്ങളും 22 സ്വകാര്യ ആശുപതികളിലും വാക്സിന്‍ ലഭ്യമാണ്.
ഗുരുതര അലര്‍ജികള്‍ ഉള്ളതുമൂലം സ്റ്റിറോയ്ഡ് ഉപയോഗിക്കാന്‍ ഡോക്ടര്‍ നിര്‍ദ്ദേശിച്ചിട്ടുഉള്ളവര്‍ക്കും ഡോക്ടറുടെ നിര്‍ദ്ദേശപ്രകാരം വാക്സിനുകള്‍ സ്വീകരിക്കാവുന്നതാണ്.
കാന്‍സര്‍, വൃക്കരോഗം, പ്രമേഹം, രക്താദിമര്‍ദ്ദം, പക്ഷാഘാതം തുടങ്ങി ഇതര രോഗങ്ങള്‍ ഉള്ളവര്‍ക്കെല്ലാം വാക്സിന്‍ സുരക്ഷിതമാണ്. ഇവര്‍ക്ക് കോവിഡ് ബാധിച്ചാല്‍ ഗുരുതരമാകാനും ആശുപത്രിയില്‍ പ്രവേശിപ്പിച്ച് ചികിത്സ ആവശ്യമായി വരാനും സാധ്യത ഏറെയാണ്. അതിനാല്‍ ഇവര്‍ എത്രയും വേഗം വാക്സിന്‍ സ്വീകരിച്ച് സുരക്ഷിതരാവുകയും എല്ലാ മാസവും ആരോഗ്യ പരിശോധനകള്‍ കൃത്യമായി നടത്തുകയും നിര്‍ദ്ദേശിക്കപ്പെട്ട മരുന്നുകള്‍ തുടരുകയും ചെയ്യണം.
കോവാക്‌സിന്‍ നിലവില്‍ ജില്ലയില്‍ സ്റ്റോക്ക് ലഭ്യമല്ല. വാക്സിന്‍ എത്തിച്ചെരുന്ന മുറക്ക് വിതരണം ആരംഭിക്കും.
ജില്ലയില്‍ 18 വയസിനുമുകളിലുള്ള 14.84 ലക്ഷം പേരാണ് വാക്സിന്‍ സ്വീകരിക്കേണ്ടത്. ഇതില്‍ 14.1 ലക്ഷം പേര്‍ (95 ശതമാനം ) ഇതിനോടകം ഒന്നാം ഡോസ് സ്വീകരിച്ചിട്ടുണ്ട്. ഇവരില്‍ 6.1 ലക്ഷം പേര്‍ (41 ശതമാനം) രണ്ട് ഡോസും സ്വീകരിച്ചിട്ടുണ്ട്.
(കെ. ഐ. ഒ. പി. ആര്‍. 2102/ 21)
ജില്ലാ വികസന സമിതി യോഗം 25ന്
കോട്ടയം ജില്ലാ വികസന സമിതി യോഗം സെപ്തംബര്‍ 25 രാവിലെ 11ന് ജില്ലാ കളക്ടര്‍ ഡോ. പി.കെ ജയശ്രീയുടെ അധ്യക്ഷതയില്‍ ചേരും . ഗൂഗിള്‍ മീറ്റ് വഴി ചേരുന്ന യോഗത്തില്‍ ജില്ലയിലെ എം.പിമാര്‍, എം.എല്‍.എമാര്‍, വിവിധ വകുപ്പുകളുടെ ജില്ലാതല മേധാവികള്‍ പങ്കെടുക്കും.
(കെ. ഐ. ഒ. പി. ആര്‍. 2103/ 21)