ഒരു നേരത്തെ ഭക്ഷണം മിതമായ നിരക്കില്‍ ലഭ്യമാക്കുന്ന പദ്ധതിയാണിത്. ഈ പദ്ധതിയില്‍ ഹോട്ടലില്‍ നിന്ന് 20 രൂപ നിരക്കിലാണ് ഉച്ചയൂണ്. ഓരോ ഊണിനും സബ്‌സിഡിയായി അഞ്ച് രൂപ നടത്തിപ്പുകാര്‍ക്കു സര്‍ക്കാര്‍ നല്‍കും.
പദ്ധതിക്ക് ഇന്ന് മന്ത്രി ജി.ആര്‍.അനില്‍ തിരുവനന്തപുരത്ത് ഉദ്ഘാടനം നിര്‍വഹിക്കും. എല്ലാ ജില്ലകളിലും കലക്ടര്‍ അധ്യക്ഷനും ജില്ലാ സപ്ലൈ ഓഫിസര്‍ കണ്‍വീനറുമായി 10 പേര്‍ അടങ്ങുന്ന സമിതിക്കാണു പദ്ധതിയുടെ മേല്‍നോട്ടം. ഈ സമിതി നിശ്ചയിക്കുന്ന നിരക്കില്‍ കൂടുതല്‍ വിഭവങ്ങള്‍ക്ക് ഈടാക്കാന്‍ പാടില്ല.