മീനടം ബസ് റൂട്ടിൽ സർവ്വീസ് നടത്തിയ പഴയകാല സുഹൃത്തുക്കൾ (തൊഴിലാളികൾ ) തമ്മിൽ കാണുന്നതിനും സംസാരിക്കുന്നതിനും പരസ്പരം ആശയങ്ങൾ കൈമാറുന്നതിനുമായാണ് മീനടം വണ്ടി 1990-2000 വാട്സ് ആപ് ഗ്രൂപ് രൂപീകരിത്.
ഈ യോഗത്തിൽ വാട്സ് ആപ് ഗ്രൂപ്പിലെ അംഗങ്ങളുടെ സാമൂഹ്യവും , സാംസ്കാരികവും , സാമ്പത്തികവും , തൊഴിൽ പരവുമായ ഉന്നമനത്തിന് വേണ്ടി മീനടം ബസ് തൊഴിലാളി ചരിറ്റബിൾ ട്രസ്റ്റ് (MBTCT) രൂപീകരിച്ചു. ഈ സംഘടന 1888-ലെ ഇന്ത്യൻ ട്രസ്റ്റ് ആക്ട് അനുസരിച്ച് പാമ്പാടി സബ് രജിസ്ട്രാർ ആഫീസിൽ രജിസ്റ്റർ ചെയ്തു. ട്രസ്റ്റിലെ അംഗങ്ങളിൽ നിന്ന് എല്ലാ മാസവും ഒരു നിശ്ചിത തുക പിരിച്ചെടുക്കുന്നതാണ് ട്രസ്റ്റിൻ്റെ ഫണ്ട് .
ട്രസ്റ്റിൻ്റെ ഉദ്ഘാടനവും ,വിദ്യാഭ്യാസ അവാർഡ് ദാനവും ഉന്നത വിജയം കൈവരിച്ച ട്രസ്റ്റിലെ അംഗങ്ങളുടെ കുട്ടികൾക്കുള്ള ഉപഹാരം സമർപ്പണവും എം.ജി.യൂണിവേഴ്സിറ്റി സിൻഡിക്കേറ്റ് അംഗം അഡ്വ: റജിസഖറിയ നിർവ്വഹിച്ചു.
ട്രസ്റ്റ് ട്രഷറർ തോമസ് മാണി , സെക്രട്ടറി ബിജു.ബി നായർ, പ്രസിഡൻ്റ് പി.വി. വറുഗീസ് കെ.വി.കുറിയാക്കോസ് , ഏബ്രഹാം ഇത്, ശില്പ ജോർജ് തുടങ്ങിയവർ പ്രസംഗിച്ചു.