ചങ്ങനാശേരി : പാലാ ബിഷപിന്റെ നർകോട്ടിക് ജിഹാദിനെ പരോക്ഷമായി പിന്തുണച്ച് എൻ എസ് എസ്. സ്‌നേഹമെന്ന വജ്രായുധമുപയോഗിച്ചും മറ്റ് പ്രലോഭനങ്ങൾ ഉപയോഗിച്ചും പെൺകുട്ടികളെ വലയിൽ വീഴ്ത്തി നിർബന്ധിത മതപരിവർത്തനം ചെയ്യുന്ന ഭീകരപ്രവർത്തനം നാട്ടിൽ പലയിടത്തും നടന്നുവരുന്നു എന്നത് ഏറെ ആശങ്കജനകമാണെന്ന് എൻ എസ് എസ് പറയുന്നു.
മനുഷ്യരാശിക്ക് തന്നെ സഹിക്കാൻ വയ്യാത്ത ഇത്തരം രാജ്യദ്രോഹ പ്രവർത്തനം നടത്തുന്നവരെ അമർച്ച ചെയ്യേണ്ട കടമ കേന്ദ്ര സംസ്ഥാന സർക്കാരുകൾക്കുണ്ട്
അതേസമയം ഇത്തരം പ്രവർത്തനങ്ങൾക്ക് ഏതെങ്കിലും മതത്തിന്റെയോ സമുദായത്തിന്റെയോ പരിവേഷം നൽകുന്നത് ശരിയല്ല. ഇത്തരം നടപടികൾക്ക് വശംവദരാകാതിരിക്കാൻ ജനങ്ങളും ബന്ധപ്പെട്ട സമുദായ സംഘടനകളും ആവശ്യമായ മുൻകരുതലുകളും പ്രചാരണങ്ങളും നടത്തേണ്ടതുണ്ട്.
മതവിദ്വേഷവും വിഭാഗീയതയും വളർത്തി രാജ്യത്തെ അപകടത്തിലേക്ക് നയിക്കുന്ന പ്രവണതകളെ തൂത്തെറിയാൻ ജാതിമതഭേദമന്യെ കൂട്ടായി പരിശ്രമം വേണമെന്നും എൻഎസ്എസ് ജനറൽ സെക്രട്ടറി ജി സുകുമാരൻ നായർ പറഞ്ഞു.