മുംബൈ : പുരാണ ഷോയായ ‘രാമായണ’ത്തില്‍ രാവണന്റെ നിര്‍ണായക വേഷം അവതരിപ്പിച്ച മുതിര്‍ന്ന നടന്‍ അരവിന്ദ് ത്രിവേദി(83) ചൊവ്വാഴ്ച രാത്രി അന്തരിച്ചു.
രാവണൻ എന്ന കഥാപാത്രത്തിലൂടെ ഏറ്റവും കൂടുതല്‍ ഓര്‍മ്മിക്കപ്പെടുന്ന അരവിന്ദ് ത്രിവേദി നിരവധി ജനപ്രിയ ഗുജറാത്തി സിനിമകളില്‍ പ്രവര്‍ത്തിച്ചിട്ടുണ്ട്. അദ്ദേഹത്തിന്റെ കരിയര്‍ ഗുജറാത്തി സിനിമയില്‍ 40 വര്‍ഷം നീണ്ടുനിന്നു.
ഹിന്ദി, ഗുജറാത്തി എന്നിവയുള്‍പ്പെടെ 300 ഓളം ചിത്രങ്ങളില്‍ അദ്ദേഹം അഭിനയിച്ചു. നടന്‍ നിരവധി സാമൂഹിക, പുരാണ സിനിമകളിലും അഭിനയിച്ചിട്ടുണ്ട്. ഇന്ത്യന്‍ സിനിമയിലെ വിജയകരമായ ഒരു കരിയറിന് പുറമേ, അരവിന്ദ് ത്രിവേദി 1991 മുതല്‍ 1996 വരെ പാര്‍ലമെന്റ് അംഗമായിരുന്നു. സബര്‍കഥ മണ്ഡലത്തില്‍ നിന്നാണ് അദ്ദേഹം തിരഞ്ഞെടുക്കപ്പെട്ടത്.
1991 ല്‍ ഗുജറാത്തി ചലച്ചിത്ര താരവും മുന്‍ പാര്‍ലമെന്റേറിയനും ബിജെപിയുടെ ടിക്കറ്റില്‍ നിന്ന് സബര്‍കണ്ഠ സീറ്റില്‍ നിന്ന് ലോകസഭയിലേക്ക് തിരഞ്ഞെടുക്കപ്പെട്ടു. സെന്‍സര്‍ ബോര്‍ഡ് ഫോര്‍ ഫിലിം സര്‍ട്ടിഫിക്കേഷന്റെ (സിബിഎഫ്സി) ആക്ടിംഗ് ചെയര്‍മാന്‍ കൂടിയാണ് നടന്‍.