കോട്ടയം : ഫുഡ് കോര്പ്പറേഷന് ഓഫ് ഇന്ത്യയുടെ ക്വാളിറ്റി കണ്ട്രോളറായ യുവതി ഗോഡൗണിലെ മുറിയില് തൂങ്ങി മരിച്ച നിലയില് കണ്ടെത്തിയ സംഭവത്തില് ദുരൂഹതയെന്നു റിപ്പോർട്ട്.
ചിങ്ങവനം ഫുഡ് കോര്പറേഷന് ഓഫ് ഇന്ത്യയുടെ ക്വാളിറ്റി കണ്ട്രോളറായ എം എസ് നയനയാണ് കഴിഞ്ഞ ദിവസം രാത്രി മരിച്ച നിലയില് കണ്ടെത്തിയത്. മൂവാറ്റുപുഴ വെള്ളൂര്കുന്നം വില്ലേജ് ഓഫീസിലെ ഫീല്ഡ് ഓഫീസര് കടുത്തുരുത്തി പൂഴിക്കോല് രാജ്ഭവന് ബിനുരാജിന്റെ ഭാര്യയാണ് 32കാരിയായ നയന.
വെള്ളിയാഴ്ച രാത്രി ഏഴരയോടെയാണ് സംഭവം. ജോലിക്കുശേഷം വീട്ടില് മടങ്ങി എത്താതിരുന്നതിനെത്തുടര്ന്ന് വീട്ടുകാര് സെക്യൂരിറ്റി ജീവനക്കാരനെ വിവരം അറിയിച്ചു. തുടര്ന്ന് നടത്തിയ തിരച്ചിലിലാണ് മൃതദേഹം കണ്ടത്.