ചേര്ത്തല(ആലപ്പുഴ) :- സ്വകാര്യ ഫാര്മസി കോളജിലെ ഹോസ്റ്റല് മുറിയില് വിദ്യാര്ഥിനിയെ മരിച്ചനിലയില് കണ്ടെത്തി. പത്തനംതിട്ട റാന്നി അങ്ങാടി പഞ്ചായത്ത് പുതുവേല് വര്ഗീസ് ചെറിയാന്റെ മകള് കാസിയ മേരി ചെറിയാന് (22) ആണ് മരിച്ചത്. കോളജിലെ അഞ്ചാം വര്ഷ ഫാംഡി വിദ്യാര്ഥിനിയാണ്. കോളേജ് അധികൃതര് അറിയിച്ചതിനെ തുടര്ന്ന് ചേര്ത്തല പൊലീസ് എത്തി നടപടികള് സ്വീകരിച്ചു. മൃതദേഹം താലൂക് ആശുപത്രി മോര്ചറിയില് സൂക്ഷിച്ചിരിക്കയാണ്. കോവിഡ് പരിശോധനക്കുശേഷം ആലപ്പുഴ മെഡികല് കോളജില് പോസ്റ്റുമോര്ട്ടം നടത്തി ബന്ധുക്കള്ക്കു വിട്ടുനല്കും.
തിങ്കളാഴ്ച രാത്രി കൂട്ടുകാര്കൊപ്പം മുറിയില് ഭക്ഷണം കഴിഞ്ഞ് ഉറങ്ങാന് കിടന്നതാണ്. രാവിലെ എഴുന്നേല്ക്കാത്തതിനെ തുടര്ന്ന് നോക്കിയപ്പോഴാണ് മരിച്ചതായി അറിയുന്നത്. അപസ്മാര സംബന്ധമായ അസുഖത്തിന് ചികിത്സയിലായിരുന്നുവെന്ന് ബന്ധുക്കളും കോളേജ് അധികൃതരും പറഞ്ഞു. ഒരാഴ്ച മുമ്പാണ് വീട്ടില് പോയി തിരികെ ഹോസ്റ്റലിലെത്തിയത്.