മലപ്പുറം: അടുക്കളയിൽ കളിച്ചു കൊണ്ടിരിക്കെ ഒരു വയസ്സുകാരിയുടെ തല സ്റ്റീൽ പാത്രത്തിൽ കുടുങ്ങി. കാവനൂർ പരിയാരിക്കൽ സുഹൈലിന്റെ മകൾ നൈഷയുടെ തലയാണ് കുടുങ്ങിയത്. തുടർന്ന് മലപ്പുറം അഗ്നിശമനസേനയെത്തി കുട്ടിയെ രക്ഷപ്പെടുത്തി.
വെള്ളിയാഴ്ച വൈകിട്ടാണ് സംഭവം. കളിക്കുന്നതിനിടെ കട്ടികൂടിയ സ്റ്റീൽ പാത്രത്തിനുള്ളിൽ കുട്ടിയുടെ തല കുടുങ്ങിപ്പോകുകയായിരുന്നു.
രക്ഷിക്കാൻ വീട്ടുകാർ നടത്തിയ ശ്രമം പരാജയപ്പെട്ടതോടെ അഗ്നിശമനസേനയെ സമീപിച്ചു. അഗ്നിശമനസേനാംഗങ്ങൾ ഗ്രൈൻഡിങ് മെഷീൻ ഉപയോഗിച്ചാണ് കുട്ടിയെ രക്ഷപ്പെടുത്തിയത്