ഗുവാഹത്തി: എംഎൽഎയും ദളിത് നേതാവുമായ ജിഗ്നേഷ് മേവാനി അറസ്റ്റിൽ. അസം പൊലീസ് ആണ് അറസ്റ്റ് ചെയ്തത്‌. ബുധനാഴ്ച രാത്രി 11.30ഓടെ ഗുജറാത്തിലെ പാലൻപുരിൽ നിന്നാണ് അറസ്റ്റ് ഉണ്ടായത്.
അറസ്റ്റ് ചെയ്ത് അഹമ്മദാബാദിലേക്ക് കൊണ്ടുപോയ ജിഗ്നേഷ് മേവാനിയെ ഗുവാഹത്തിയിലെത്തിക്കും. ഏത് വകുപ്പ് ചുമത്തിയാണ് ജിഗ്നേഷിന്റെ അറസ്റ്റ് എന്ന് വ്യക്തമല്ല.
ഗുജറാത്ത് വദ്ഗാം മണ്ഡലത്തിൽ നിന്നുള്ള എംഎൽഎ ആണ് ജിഗ്നേഷ് മേവാനി. അസമിൽ അദ്ദേഹത്തിനെതിരെ ഏതാനും കേസുകൾ ചുമത്തിയിട്ടുണ്ടെന്നാണ് പൊലീസ് പറഞ്ഞതെന്നും വിശദാംശങ്ങൾ അറിയില്ലെന്നും മേവാനിയുമായി അടുത്ത വൃത്തങ്ങൾ പ്രതികരിച്ചത്.