ചാലക്കുടി : അച്ഛനെ ആശുപത്രിയില് കൊണ്ടുപോകാനാണെന്ന് തെറ്റിദ്ധരിപ്പിച്ച് സുഹൃത്തിന്റെ കാറുമായി മുങ്ങിയയാളെ ഒരു വര്ഷത്തിന് ശേഷം കൊരട്ടി പൊലീസ് അറസ്റ്റ് ചെയ്തു. മുരിയാട് പ്ലാവളപ്പില് വിശോഭ്(36)ആണ് അറസ്റ്റിലായത്. 2021 ഏപ്രിലായിരുന്നു സംഭവം.
മേലൂര് കല്ലൂത്തി കടവത്ത് വീട്ടില് റെജുകുമാറിന്റെ മാരുതി സിഫ്റ്റ് കാറുമായാണ് പ്രതി മുങ്ങിയത്. തുടര്ന്ന് ഒളിവില് പോയ പ്രതിയെ കഴിഞ്ഞ ദിവസം നാട്ടിലെത്തിയതറിഞ്ഞ് പൊലീസ് തന്ത്രപരമായി പിടികൂടുകയായിരുന്നു.