ബഹ്റെെൻ: വിദേശ രാജ്യങ്ങളിലേക്ക് യാത്ര പോകാൻ ഒരുങ്ങുമ്പോൾ ഇലക്ട്രോണിക് സേവനങ്ങൾ പരമാവധി ഉപയോഗപ്പെടുത്തണമെന്ന് ബഹ്റെെൻ. സ്വദേശികളോടും പ്രവാസികളോടും ആണ് ബഹ്റെെൻ ഇതുമായി ബന്ധപ്പെട്ട് നിർദ്ദേശം നൽകിയിരിക്കുന്നത്. ഇൻഫർമേഷൻ ആൻഡ് ഇ-ഗവൺമെന്റ് അതോറിറ്റി ആണ് ആവശ്യമായ നിർദ്ദേശങ്ങൾ നൽകിയിരിക്കുന്നത്. bahrain.bh എന്ന ബഹ്റൈന്റെ ദേശീയ പോർട്ടലിൽ കയറിയോ അല്ലെങ്കിൽ മൊബൈൽ ആപ്പിലും ഇതിന്റെ സേവനങ്ങൾ ലഭ്യമാണ്. സാമ്പത്തിക ലാഭവും , സമയ ലാഭവും ഒരുപോലെ നൽകുന്ന ഇലക്ട്രോണിക് സേവനങ്ങൾ രാജ്യത്ത് എല്ലാവരും ഉപയോഗിക്കണം എന്നാണ് ബഹ്റെെൻ നൽകുന്ന നിർദ്ദേശങ്ങൾ. യാത്രക്ക് തയ്യാറെടുക്കുന്നവർക്ക് തങ്ങളുടെ ഐ.ഡി കാർഡിന്റെ കാലാവധി ഓൺലെെൻ വഴി പരിശോധിക്കാൻ സാധിക്കും. കാലാവധി തീരുന്നതിന് ഒരുമാസം മുമ്പുതന്നെ ഇത് ഓൺലെെൻ വഴി പുതുക്കാൻ സാധിക്കും. ബഹ്റൈനികൾക്ക് തങ്ങളുടെ പാസ്പോർട്ട് ഓൺലെെൻ വഴി പുതുക്കാനുള്ള സൗകര്യവും ഏർപ്പെടുത്തിയിട്ടുണ്ട്. നാഷനാലിറ്റി, പാസ്പോർട്ട് ആൻഡ് റസിഡൻസ് അഫയേഴ്സുമായി സഹകരിച്ച് ആണ് ഇതിനുള്ള സൗകര്യം ഒരുക്കിയിരിക്കുന്നത്. വിദേശങ്ങളിലേക്ക് യാത്ര പുറപ്പെടുന്നവർ bahrain.bh/apps മുഖേന 'Wejhaty എന്ന ആപ് ഡൗൺലോഡ് ചെയ്താൽ ഏത് രാജ്യത്തേക്ക് ആണോ പോകുന്നത് അവിടെയുള്ള യാത്ര നിയമങ്ങളും വിസ നിയമങ്ങളും, ഇൻഷുറൻസ് വിവരങ്ങളും അറിയാൻ സാധിക്കും. കൂടാതെ ആ രാജ്യത്തെ ബഹ്റൈൻ എംബസി നമ്പറും ലഭിക്കും. വിദേശകാര്യ മന്ത്രാലയവുമായി സഹകരിച്ചാണ് ഇത്തരത്തിലൊരു സംവിധാനം ഓൺലെെൻ രീതിയിൽ ബഹ്റെെൻ ഒരുക്കിയിരിക്കുന്നത്. കൂടാതെ കിങ് ഫഹദ് കോസ്വേ വഴി യാത്ര ചെയ്യുന്നവർക്ക് മറ്റൊരു സൗകര്യവും ബഹ്റെെൻ ഒരുക്കിയിട്ടുണ്ട്. ട്രാഫിക് ഡയറക്ടറേറ്റുമായി സഹകരിച്ച് ഇ-ട്രാഫിക് ആപ്പ് സൗകര്യം ആണ് ഒരുക്കിയിരിക്കുന്നത്. വാഹന രജിസ്ട്രേഷൻ എളുപ്പത്തിൽ പുതുക്കുന്നതിന് വേണ്ടിയാണ് ഇത്തരത്തിലൊരു സംവിധാനം ഒരുക്കിയിരിക്കുന്നത്. സൗദിയിലേക്ക് പോകാൻ വേണ്ടിയാണ് ഈ വഴി ഉപയോഗിക്കുന്നത്. ഈ ആപ്പ് ഉപയോഗിച്ച് ബഹ്റൈനി വാഹനങ്ങൾക്ക് സർട്ടിഫിക്കറ്റുകളും ഇൻഷുറൻസ് പോളിസികളും പുതുക്കാൻ ഇനി ആപ്പിലൂടെ സാധിക്കും. കാർ വാടകക്ക് നൽകുന്ന ഇന്റർനാഷനൽ ഡ്രൈവിങ് ലൈസൻസിന് നാഷനൽ പോർട്ടൽ വഴി അപേക്ഷിക്കാവുന്നതാണ്. ഇപ്പോൾ കെെവശമുള്ള ഡ്രൈവിങ് ലൈസൻസ് മാത്രമേ പുതിയതിന് വേണ്ടി അപേക്ഷ നൽകാൻ സാധിക്കുകയുള്ളു. ചില രാജ്യങ്ങളിലേക്ക് പോകുന്നതിന് വാക്സിൽ സ്വീകരിച്ചതിന്റെ സർട്ടിഫിക്കറ്റ് കാണിക്കണം. ബിഅവെയർ ആപ്പിൽനിന്ന് ഈ സർട്ടിഫിക്കറ്റ് ലഭിക്കും. ഇലക്ട്രോണിക് സേവനങ്ങൾ സംബന്ധിച്ച സംശയങ്ങൾക്ക് 80008001 എന്ന നമ്പറിൽ ബന്ധപ്പെടാവുന്നതാണെന്നും അധികൃതർ അറിയിച്ചു.
ബഹ്റെെൻ: വിദേശ രാജ്യങ്ങളിലേക്ക് യാത്ര പോകാൻ ഒരുങ്ങുമ്പോൾ ഇലക്ട്രോണിക് സേവനങ്ങൾ പരമാവധി ഉപയോഗപ്പെടുത്തണമെന്ന് ബഹ്റെെൻ. സ്വദേശികളോടും പ്രവാസികളോടും ആണ് ബഹ്റെെൻ ഇതുമായി ബന്ധപ്പെട്ട് നിർദ്ദേശം നൽകിയിരിക്കുന്നത്. ഇൻഫർമേഷൻ ആൻഡ് ഇ-ഗവൺമെന്റ് അതോറിറ്റി ആണ് ആവശ്യമായ നിർദ്ദേശങ്ങൾ നൽകിയിരിക്കുന്നത്. bahrain.bh എന്ന ബഹ്റൈന്റെ ദേശീയ പോർട്ടലിൽ കയറിയോ അല്ലെങ്കിൽ മൊബൈൽ ആപ്പിലും ഇതിന്റെ സേവനങ്ങൾ ലഭ്യമാണ്. സാമ്പത്തിക ലാഭവും , സമയ ലാഭവും ഒരുപോലെ നൽകുന്ന ഇലക്ട്രോണിക് സേവനങ്ങൾ രാജ്യത്ത് എല്ലാവരും ഉപയോഗിക്കണം എന്നാണ് ബഹ്റെെൻ നൽകുന്ന നിർദ്ദേശങ്ങൾ. യാത്രക്ക് തയ്യാറെടുക്കുന്നവർക്ക് തങ്ങളുടെ ഐ.ഡി കാർഡിന്റെ കാലാവധി ഓൺലെെൻ വഴി പരിശോധിക്കാൻ സാധിക്കും. കാലാവധി തീരുന്നതിന് ഒരുമാസം മുമ്പുതന്നെ ഇത് ഓൺലെെൻ വഴി പുതുക്കാൻ സാധിക്കും. ബഹ്റൈനികൾക്ക് തങ്ങളുടെ പാസ്പോർട്ട് ഓൺലെെൻ വഴി പുതുക്കാനുള്ള സൗകര്യവും ഏർപ്പെടുത്തിയിട്ടുണ്ട്. നാഷനാലിറ്റി, പാസ്പോർട്ട് ആൻഡ് റസിഡൻസ് അഫയേഴ്സുമായി സഹകരിച്ച് ആണ് ഇതിനുള്ള സൗകര്യം ഒരുക്കിയിരിക്കുന്നത്. വിദേശങ്ങളിലേക്ക് യാത്ര പുറപ്പെടുന്നവർ bahrain.bh/apps മുഖേന 'Wejhaty എന്ന ആപ് ഡൗൺലോഡ് ചെയ്താൽ ഏത് രാജ്യത്തേക്ക് ആണോ പോകുന്നത് അവിടെയുള്ള യാത്ര നിയമങ്ങളും വിസ നിയമങ്ങളും, ഇൻഷുറൻസ് വിവരങ്ങളും അറിയാൻ സാധിക്കും. കൂടാതെ ആ രാജ്യത്തെ ബഹ്റൈൻ എംബസി നമ്പറും ലഭിക്കും. വിദേശകാര്യ മന്ത്രാലയവുമായി സഹകരിച്ചാണ് ഇത്തരത്തിലൊരു സംവിധാനം ഓൺലെെൻ രീതിയിൽ ബഹ്റെെൻ ഒരുക്കിയിരിക്കുന്നത്. കൂടാതെ കിങ് ഫഹദ് കോസ്വേ വഴി യാത്ര ചെയ്യുന്നവർക്ക് മറ്റൊരു സൗകര്യവും ബഹ്റെെൻ ഒരുക്കിയിട്ടുണ്ട്. ട്രാഫിക് ഡയറക്ടറേറ്റുമായി സഹകരിച്ച് ഇ-ട്രാഫിക് ആപ്പ് സൗകര്യം ആണ് ഒരുക്കിയിരിക്കുന്നത്. വാഹന രജിസ്ട്രേഷൻ എളുപ്പത്തിൽ പുതുക്കുന്നതിന് വേണ്ടിയാണ് ഇത്തരത്തിലൊരു സംവിധാനം ഒരുക്കിയിരിക്കുന്നത്. സൗദിയിലേക്ക് പോകാൻ വേണ്ടിയാണ് ഈ വഴി ഉപയോഗിക്കുന്നത്. ഈ ആപ്പ് ഉപയോഗിച്ച് ബഹ്റൈനി വാഹനങ്ങൾക്ക് സർട്ടിഫിക്കറ്റുകളും ഇൻഷുറൻസ് പോളിസികളും പുതുക്കാൻ ഇനി ആപ്പിലൂടെ സാധിക്കും. കാർ വാടകക്ക് നൽകുന്ന ഇന്റർനാഷനൽ ഡ്രൈവിങ് ലൈസൻസിന് നാഷനൽ പോർട്ടൽ വഴി അപേക്ഷിക്കാവുന്നതാണ്. ഇപ്പോൾ കെെവശമുള്ള ഡ്രൈവിങ് ലൈസൻസ് മാത്രമേ പുതിയതിന് വേണ്ടി അപേക്ഷ നൽകാൻ സാധിക്കുകയുള്ളു. ചില രാജ്യങ്ങളിലേക്ക് പോകുന്നതിന് വാക്സിൽ സ്വീകരിച്ചതിന്റെ സർട്ടിഫിക്കറ്റ് കാണിക്കണം. ബിഅവെയർ ആപ്പിൽനിന്ന് ഈ സർട്ടിഫിക്കറ്റ് ലഭിക്കും. ഇലക്ട്രോണിക് സേവനങ്ങൾ സംബന്ധിച്ച സംശയങ്ങൾക്ക് 80008001 എന്ന നമ്പറിൽ ബന്ധപ്പെടാവുന്നതാണെന്നും അധികൃതർ അറിയിച്ചു.