തൃശൂർ: പ്രമുഖ സംഗീത സംവിധായകനും ഗിത്താറിസ്റ്റുമായ ജോൺ പി വർക്കി (51) വീട്ടിൽ കുഴഞ്ഞുവീണു മരിച്ചു. ഇന്നലെ വൈകിട്ടായിരുന്നു അന്ത്യം.
നെയ്ത്തുകാരന്, ഫ്രോസൺ, കമ്മട്ടിപ്പാടം, ഒളിപ്പോര്, ഉന്നം, ഈട, പെണ്കൊടി തുടങ്ങിയ മലയാളസിനിമകളിലെ സംഗീത സംവിധായകനാണ്. നിരവധി തെലുഗു സിനിമകളിലും കന്നട സിനിമയിലും ഹിന്ദിയിലും സംഗീതസംവിധാനം നിര്വഹിച്ചിട്ടുണ്ട്.
എംടിവി ചാനലിലെത്തിയ ആദ്യ മലയാളി ബാൻഡ് ജിഗ്സോ പസിലിന്റെ ആൽബവുമായി സംഗീത രംഗത്തു ശ്രദ്ധേയനായ ജോൺ ‘അവിയൽ’ ബാൻഡിൽ അംഗമായിരുന്നു. സ്ലോ പെഡൽസ് എന്ന ബാൻഡിലും അംഗമായിരുന്നു. അവിയല് എന്ന റോക്ക് ബാൻഡിന് ചില പാട്ടുകള് ചിട്ടപ്പെടുത്തിയത് വന് ഹിറ്റായതോടെയാണ് ഏറെ ശ്രദ്ധ നേടയത്.
ഭാര്യ: ബേബി ജോൺ. മക്കൾ: ജോബ് ജോൺ, ജോസഫ് ജോൺ. തൃശ്ശൂര് ഏങ്ങണ്ടിയൂര് പൊറത്തൂര് കിട്ടന് വീട്ടില് പരേതരായ വര്ക്കിയുടേയും വെറോനിക്കയുടേയും മകനാണ്. മണ്ണുത്തി മുല്ലക്കരയിലാണ് താമസം.