ഓസ്ലോ: യൂറോപ്യൻ സന്ദർശനത്തിന്റെ ഭാഗമായി മുഖ്യമന്ത്രി പിണറായി വിജയനും മന്ത്രിമാരായ പി രാജീവും വി അബ്ദുറഹിമാനും നോർവെയിലെത്തി.
മൂവരും ഇന്ന് നോർവെ ഫിഷറീസ് മന്ത്രിയുമായി കൂടിക്കാഴ്ച നടത്തും. ഇന്നലെ വൈകിട്ടോടെ നോർവെയിലെത്തിയ മുഖ്യമന്ത്രിയെയും സംഘത്തെയും ഇന്ത്യൻ സ്ഥാനപതി ഡോ. ബാലഭാസ്കർ സ്വീകരിച്ചു.
നോർവേയ്ക്ക് പിന്നാലെ ബ്രിട്ടൻ, ഫിൻലൻഡ് എന്നീ രാജ്യങ്ങളും സന്ദർശിക്കും. വിദ്യാഭ്യാസം, ആരോഗ്യം, ടൂറിസം തുടങ്ങിയ മേഖലകളിലെ മാതൃകകൾ പഠിക്കുകയും ഈ രാജ്യങ്ങളുമായി സഹകരണം ശക്തിപ്പെടുത്തുകയുമാണ് സന്ദർശന ലക്ഷ്യം.
ഈ മാസം 12 വരെയാണ് മുഖ്യമന്ത്രിയുടെ വിദേശ സന്ദർശനം.