പാർക്ക് ചെയ്തിരുന്ന ഇരുചക്ര വാഹനങ്ങൾ ഓട്ടോ റിക്ഷ ഇടിച്ച് തെറിപ്പിച്ചു വാഹനത്തിന്റെ സ്റ്റിയറിംഗ് തകരാർ ആണ് അപകട കാരണമെന്നാണ് പ്രാഥമിക നിഗമനം.

 തിരുവല്ല: മുളക്കുഴ പഞ്ചായത്ത് ജംഗ്ഷന് മുകൾ വശം ഉസ്താദ് ഹോട്ടലിന് മുന്നിൽ അൽപ്പ സമയം മുൻപാണ് അപകടം. ഹോട്ടലിന് മുന്നിൽ പാർക്ക് ചെയ്തിരുന്ന 7 ഇരുചക്ര വാഹനങ്ങൾ ഇടിച്ച് തകർത്തു. ആലപ്പുഴ നിന്ന് മരുന്നുകളുമായി എത്തിയ ഓട്ടോ ടാക്സി ആണ് അപകടമുണ്ടാക്കിയത്. വാഹനത്തിന്റെ സ്റ്റിയറിംഗ് തകരാർ ആണ് അപകട  കാരണമെന്നാണ് പ്രാഥമിക നിഗമനം. ഹോട്ടലിൽ നിന്ന് ഭക്ഷണം കഴിച്ച് ഇറങ്ങിയ ദമ്പതികൾക്ക് പരിക്കുണ്ട്. ഇവരെ ആശുപത്രിയിൽ പ്രവേശിപ്പിച്ചു.