തിരുവല്ല :കുട്ടിയുടെ അമ്മയുടെ പരാതിയില് തിരുവല്ല വെണ്പാല സ്വദേശി വര്ഗീസ് (67) ആണ് അറസ്റ്റിലായത്. കുട്ടി സ്കൂളില് പോയിരുന്നത് ഇയാളുടെ ഓട്ടോയിലായിരുന്നു.
വര്ഗീസിന്റെ ഓട്ടോയിലാണ് കഴിഞ്ഞ കുറെ നാളുകളായി ഒന്പതുവയസുകാരിയും സഹപാഠികളും സ്കൂളിലേക്ക് പോകുകയും വീട്ടിലേക്ക് തിരികെ വരികയും ചെയ്തിരുന്നത്. സ്കൂളില് നിന്ന് തിരികെ വരുമ്പോള് സഹപാഠികളെ വീടുകളില് ഇറക്കിവിട്ട ശേഷം, പെണ്കുട്ടിയുടെ വീട്ടിലേക്ക് പോകുന്നവഴിയില് വിജനമായ പ്രദേശത്ത് വച്ച് നാലാം ക്ലാസുകാരിയോട് വര്ഗീസ് അപമര്യാദയായി പെരുമാറി എന്നതാണ് അമ്മയുടെ പരാതിയില് പറയുന്നത്.
കഴിഞ്ഞ ദിവസം കുട്ടിയോട് വര്ഗീസ് അപമര്യാദയായി പെരുമാറുന്നത് നാട്ടുകാരില് ഒരാള് കണ്ടു. ഇക്കാര്യം കുട്ടിയുടെ അമ്മയോട് പറഞ്ഞതോടെയാണ് സംഭവം പുറംലോകം അറിഞ്ഞത്. കുട്ടിയോട് വിവരങ്ങള് ചോദിച്ചറിഞ്ഞശേഷം അമ്മ തിരുവല്ല പൊലീസില് പരാതി നല്കുകയായിരുന്നു.