പാലക്കാട്: മഹാരാജാസ് കോളേജിന്റെ പേരില് വ്യാജ തൊഴില് പരിചയ സര്ട്ടിഫിക്കറ്റ് തയ്യാറാ ക്കിയെന്ന കേസില് താന് നിരപരാധിയാ ണെന്ന് കെ വിദ്യ.
തന്നെ രാഷ്ട്രീയ വൈരാഗ്യം മൂലം കരുവാക്കിയതാണെന്നും കേസില് മനപൂര് വ്വം കുടുക്കിയതാണെ ന്നും വിദ്യ മൊഴി നല്കി. താന് വ്യാജ സര്ട്ടിഫിക്ക റ്റ് എവിടെയും നല്കിയി ട്ടില്ല. പഠനത്തില് മിടുക്കിയായ തനിക്ക് വ്യാജ സര്ട്ടിഫിക്കറ്റിന്റെ ആവശ്യമില്ല. കേസിന് പിന്നില് കോണ്ഗ്രസ് അനുകൂല അധ്യാപക സംഘടനയാണെന്നും വിദ്യ മൊഴി നല്കി.
വിദ്യയുടെ അറസ്റ്റ് അന്വേഷണസംഘം രേഖപ്പെടുത്തി. വിദ്യയെ ഇന്ന് രാവിലെ 11 മണി യോടെ മണ്ണാര്ക്കാട് കോടതിയില് ഹാജരാക്കും. ഇന്നലെ രാത്രി കോഴിക്കോട് മേപ്പയൂര് കുട്ടോത്തെ സുഹൃത്തി ന്റെ വീട്ടില് നിന്നാണ് അഗളി പൊലീസ് വിദ്യയെ കസ്റ്റഡിയിലെടുത്തത്.
കേസ് രജിസ്റ്റര് ചെയ്ത തിന് പിന്നാലെ ഒളിവില് പോയ വിദ്യയെ 15 ദിവ സങ്ങള്ക്ക് ശേഷമാണ് പൊലീസ് അറസ്റ്റ് ചെയ്യുന്നത്.
അഗളി പൊലീസും നീലേശ്വരം പൊലീസും രജിസ്റ്റര് ചെയ്ത കേസു കളില് വിദ്യ സമര്പ്പിച്ച മുന്കൂര് ജാമ്യ ഹര്ജികള് കോടതി പരിഗണിക്കാനായി മാറ്റിയതിന് പിന്നാലെയാണ് വിദ്യയെ പൊലീസ് പിടികൂടിയത്. വ്യാജരേഖ കേസില് പ്രതിയായ കെ വിദ്യ നല്കിയ മുന്കൂര് ജാമ്യാപേക്ഷ പരിഗണിക്കുന്നത് ഹൈക്കോടതി അടുത്തയാഴ്ചയിലേക്ക് മാറ്റിയിരുന്നു.