ഏലപ്പാറ: സിഐടിയുവിന്റെ തൊഴിലുറപ്പ് യൂണിയൻ സമ്മേളനത്തിൽ പങ്കെടുക്കാത്തവരെ തൊഴിലുറപ്പ് പദ്ധതിയിൽനിന്ന് ഒഴിവാക്കുമെന്ന് സിപിഎം പഞ്ചായത്തംഗത്തിന്റെ ഭീഷണി.
സമ്മേളനത്തിൽ പങ്കെടുക്കുകയും പിരിവു നൽകുകയും ചെയ്യാത്തവർക്കെതിരെ നടപടിയെടുക്കുമെന്ന് പറഞ്ഞുകൊണ്ടുള്ള ശബ്ദസന്ദേശമാണ് പുറത്തു വന്നത്.
ഏലപ്പാറയിൽ നടക്കുന്ന സമ്മേളനത്തിൽ പങ്കെടുക്കാത്തവർക്ക് തൊഴിലുറപ്പിൽ ഇനി മുതൽ ജോലി കിട്ടില്ലെന്നു പഞ്ചായത്തംഗം പറഞ്ഞെന്നും അതിനാൽ നിർബന്ധമായും സമ്മേളനത്തിൽ പങ്കെടുക്കണമെന്നും ഫോൺ സംഭാഷണത്തിൽ പറയുന്നുണ്ട്.