19, 20, 21, 22 തീയതികളിൽ രാത്രി 10 മുതൽ രാവിലെ 6 മണി വരെയാണ് കിറ്റ്കോയുടെ നേതൃത്വത്തിൽ പരിശോധന നിശ്ചയിച്ചിരിക്കുന്നത്.
ഹൈക്കോടതി നിർദേശത്തെ തുടർന്നാണ് ബല പരിശോധന നടക്കുന്നത്.
ഗതാഗതക്കുരുക്കിന് ഇടവരുത്താതെ രാത്രി സമയത്ത് നിലവിലെ നിർമാണങ്ങളുടെ ഉറപ്പ് പരിശോധിച്ച് റിപ്പോർട്ട് നൽകാനാണ് നിർദേശം.
ഈ റിപ്പോർട്ട് അനുസരിച്ചാകും ആകാശപാത പദ്ധതി തുടരണോ, അതോ പൊളിച്ച് നീക്കണോ എന്ന് കോടതി നിർദ്ദേശിക്കുന്നത്.
*രാത്രി 10 PM - 6 AM വരെയുള്ള കോട്ടയം പട്ടണത്തിലെ ഗതാഗത നിയന്ത്രണം ഇങ്ങനെ* 👇
തിരുവനന്തപുരം ഭാഗത്തു നിന്ന് ഏറ്റുമാനൂരിലേക്കുള്ള ഭാര വാഹനങ്ങൾ നാട്ടകം സിമൻ്റ് കവലയിൽ നിന്ന് തിരിഞ്ഞ് പാറേച്ചാൽ ബൈപാസ് വഴി തിരുവാതുക്കൽ, കുരിശുപള്ളി, അറത്തൂട്ടി, ചാലുകുന്ന് വഴി പോകണം.
കെ.കെ. റോഡിലൂടെ ഏറ്റുമാനൂർ ഭാഗത്തേക്കുള്ള വാഹനങ്ങൾ കലക്ടറേറ്റ് ജങ്ഷനിൽ നിന്ന് തിരിഞ്ഞ് ശാസ്ത്രി റോഡ് വഴി, ടി.എം.എസ് ജംങ്ഷനിലെത്തി സിയേഴ്സ് ജങ്ഷൻ വഴി പോകാം.
ഏറ്റുമാനൂർ ഭാഗത്തു നിന്ന് തിരുവനന്തപുരം ഭാഗത്തേക്കുള്ള ഭാരവാഹനങ്ങൾ നാഗമ്പടം സിയേഴ് ജങ്ഷനിൽ നിന്ന് തിരിഞ്ഞ് ടി.എം.എസ് ജങ്ഷനിലെത്തി, ഗുഡ് വിൽ വഴിയും പോകണമെന്ന് പൊതുമരാമത്ത് നിരത്തു വിഭാഗം അസി. എക്സിക്യൂട്ടീവ് എൻജിനീയർ അറിയിച്ചു.