കോട്ടയം : മെഡിക്കല്‍ കോളജ് കുട്ടികളുടെ ആശുപത്രിക്ക് സമീപമുള്ള വളവില്‍ കാറുകള്‍ കൂട്ടിയിടിച്ച് രണ്ടു പേര്‍ക്ക് പരിക്ക്.
കാല്‍നട യാത്രക്കാ രായ കുമളി സ്വദേശി സോമന്‍, കോരുത്തോട് സ്വദേശി സുല്‍ഫിക്കര്‍ എന്നിവര്‍ക്കാണ് പരിക്കേറ്റത്.
ഇന്ന് ഉച്ചയ്ക്ക് രണ്ടരയോടെയായിരുന്നു അപകടം. മെഡിക്കല്‍ കോളജ് ഭാഗത്ത്‌നിന്ന് വന്ന കാര്‍ നിയന്ത്രണം നഷ്ടപ്പെട്ട് റോഡരികില്‍ നിന്നവരെ ഇടിക്കുക യായിരുന്നു.
തുടര്‍ന്ന് തൊട്ടടുത്ത് പാര്‍ക്ക് ചെയ്തിരുന്ന മറ്റൊരു കാറിലും ഇടിച്ചു. ഇടിയുടെ ആഘാതത്തില്‍ റോഡില്‍ തെറിച്ചു വീണ ഇരുവരെയും നാട്ടുകാര്‍ ചേര്‍ന്ന് കോട്ടയം മെഡിക്കല്‍ കോളേജ് ആശുപത്രിയില്‍ എത്തിച്ചു.