.jpeg)
യുഎഇ: 15 സുഹൃത്തുക്കൾക്കൊപ്പം ചേർന്ന് മലയാളി എടുത്ത ടിക്കറ്റിനാണ് സമ്മാനം ലഭിച്ചിരിക്കുന്നത്. സെപ്റ്റംബറിൽ നാല് പേർക്ക് ആഴ്ച്ചതോറും നടക്കുന്ന ഇ-ഡ്രോ വഴിയാണ് സമ്മാനം ലഭിക്കുന്നത്. ഒരു ലക്ഷം ദിർഹം വീതം ആണ് ഇതിലൂടെ സ്വന്തമാക്കാൻ സാധിക്കുക.
ഈ ആഴ്ച്ചയിലെ വിജയികൾ ഇവരാണ്
മലയാളിയാണ് സമ്മാനം സ്വന്തമാക്കിയ റിയാസ് പറമ്പത്ത്കണ്ടി. അബുദാബിയിലെ സ്കൂൾ ബസ് ഡ്രൈവറായി ജോലി ചെയ്യുന്നു. 45 വയസ് പ്രായമുണ്ട്. റിയാസിന് മൂന്നു കുട്ടികൾ ആണ് ഉള്ളത്. 2008 മുതൽ 15 സുഹൃത്തുക്കൾക്കൊപ്പം ചേർന്ന് അദ്ദേഹം സ്ഥിരമായി ബിഗ്ടിക്കറ്റ് എടുക്കുന്നുണ്ട്. ഇത് ആദ്യമായല്ല റിയാസിന് ടിക്കറ്റ് അടിക്കുന്നത്. ഇതിന് മുൻപും അദ്ദേഹത്തിന് സമ്മാനം ലഭിച്ചിട്ടുണ്ട്. 2012-ൽ 40,000 ദിർഹമാണ് റിയാസ് നേടിയത്. അതിന് ശേഷവും ടിക്കറ്റ് എടുത്തു. പിന്നീട് 2023-ലും സമ്മാനം നേടി. അന്ന് ഒരു ലക്ഷം റിയാൽ ആണ് സമ്മാനമായി നേടിയത്. ഇന്നും ഒരു ലക്ഷം ദിർഹം നേടാനായി. "ഞാൻ ഹാപ്പിയാണ്, വീണ്ടും വിജയിക്കുമെന്ന് എനിക്ക് ഉറപ്പായിരുന്നു" - റിയാസ് പറഞ്ഞതായി ഏഷ്യാനെറ്റ് റിപ്പോർട്ട് ചെയ്യുന്നു.ബിഗ് ടിക്കറ്റിൽ നിന്നും കോൾ വന്നു. എന്നാൽ ആ സമയത്ത് തനിക്ക് അത് എടുക്കാൻ സാധിച്ചില്ല. ആസമയത്ത് ജോലി സ്ഥലത്തായിരുന്നു. സുഹൃത്തുക്കളാണ് പിന്നീട് റിയാസ് വിജയിയായ വിവരം വിളിച്ച് അറിയിക്കുന്നത്. സുഹൃത്തുക്കൾക്കൊപ്പം സമ്മാന തുക പങ്കുവെക്കും. തനിക്ക് കിട്ടിയ പണം കൊണ്ട് ഭാര്യയെയും മക്കളെയും അബുദാബിയിലേക്ക് രണ്ടു മാസം വെക്കേഷന് കൊണ്ടുവരാൻ ആണ് തീരുമാനിച്ചിരിക്കുന്നത്. ഇനിയും ടിക്കറ്റ് വാങ്ങി ഭാഗ്യം പരീക്ഷിക്കും. ഒരു ദിവസം ഗ്രാൻഡ് പ്രൈസ് നേടാനാകും അതിൽ ഒരു സംശയമില്ലെന്ന് റിയാസ് പറയുന്നു.
48 കാരനായ ബിംലേഷ് യാദവ് ആണ് രണ്ടാമത്തെ വിജയി. 10 വർഷമായി അദ്ദേഹം ടിക്കറ്റ് എടുക്കുന്നുണ്ട്. അബുദാബി എയർപോർട്ടിൽ നിന്നും വാങ്ങിയ ടിക്കറ്റിലൂടെയാണ് അദ്ദേഹത്തിന് സമ്മാനം ലഭിച്ചിരിക്കുന്നത്. എല്ലാ മാസവും ടിക്കറ്റ് എടുക്കാറുണ്ട്. 18 സുഹൃത്തുക്കളുമായി ചേർന്നാണ് ടിക്കറ്റ് വാങ്ങിയത്. തനിക്ക് ലഭിച്ച സമ്മാനത്തുക നാട്ടിലേക്ക് അയക്കാൻ ആണ് തീരുമാനിച്ചിരിക്കുന്നത്. ഇനിയും ബിഗ്ടിക്കറ്റ് എടുക്കുന്നത് തുടരുമെന്ന് ബിംലേഷ് പറയുന്നു.
ബൈ 2 ഗെറ്റ് 2 ഓഫറിലാണ് ഷീയ മിതില വിജയിയായ ടിക്കറ്റ് വാങ്ങിയത്. ഇതിന് സമ്മാനം ലഭിച്ചു. മറ്റൊരു വിജയിയായ ബബിൻ ഉരാത് അബുദാബി വിമാനത്താവളത്തിലെ ബിഗ് ടിക്കറ്റ് സ്റ്റോറിൽ നിന്നും ആണ് ടിക്കറ്റ് വാങ്ങിയത്. ബിഗ് ടിക്കറ്റെടുക്കുന്നവരിൽ നിന്ന് നാലു പേർക്ക് എല്ലാ ആഴ്ച്ചയും ഇലക്ട്രോണിക് ഡ്രോയിലൂടെ ഒരു ലക്ഷം ദിർഹം നേടാം . സെപ്റ്റംബർ 30 വരെ ടിക്കറ്റെടുക്കാം. ഓൺലൈനായി www.bigticket.ae സന്ദർശിച്ച് ടിക്കറ്റ് വാങ്ങാം. അബുദാബി, അൽ എയ്ൻ വിമാനത്താവളങ്ങളിലെ ഇൻ സ്റ്റോർ കൗണ്ടറുകൾ വഴിയും ടിക്കറ്റ് എടുക്കാൻ സാധിക്കും. രണ്ട് ടിക്കറ്റെടുക്കുന്നവർക്ക് രണ്ടെണ്ണം സൗജന്യമായി ലഭിക്കും.