പറവൂർ: പ്രായപൂർത്തിയാകാത്ത പെൺകുട്ടി കുളിക്കുന്നത് ഒളിഞ്ഞുനോക്കിയ കേസിലെ പ്രതിയ്ക്ക് രണ്ട് വർഷം കഠിനതടവും 10,000 രൂപ പിഴയും വിധിച്ചു. ചെറായി കോവിലകത്തും കടവ് ഏലൂർ വീട്ടിൽ ശിവനെ (62)യാണ് പറവൂർ അതിവേഗ സ്പെഷൽ കോടതി ജഡ്‌ജി ടി.കെ. സുരേഷ് ശിക്ഷിച്ചത്.
പിഴയടച്ചില്ലെങ്കിൽ ആറുമാസം അധിക തടവ് അനുഭവിക്കണം. 2002 ജൂലൈ 13നാണ് കേസിനാസ്‌പദമായ സംഭവം നടന്നത്. മുനമ്പം എസ്.ഐ ആയിരുന്ന സുനിൽകുമാറാണ് കേസ് അന്വേഷിച്ച് കുറ്റപത്രം സമർപ്പിച്ചത്. പ്രോസിക്യൂഷനുവേണ്ടി സ്പെഷൽ പബ്ലിക് പ്രോസിക്യൂട്ടർ അഡ്വ. പ്രവിത ഗിരീഷ്‌ കുമാർ ഹാജരായി.