മലപ്പുറത്ത് നവവരന് വിവാഹദിവസം ജീവനൊടുക്കിയ നിലയില്. മലപ്പുറം കരിപ്പൂര് കുമ്മിണിപ്പറമ്പ് സ്വദേശി ജിബിന് ആണ് മരിച്ചത്. 30 വയസ്സായിരുന്നു. ശുചിമുറിയിലാണ് കൈഞരമ്പ് മുറിച്ച നിലയില് ജിബിനെ കണ്ടെത്തിയത്.ആത്മഹത്യയാണെന്നു പ്രാഥമിക നിഗമനം. കാരണം വ്യക്തമല്ല. ഷാര്ജയില് ജോലി ചെയ്യുന്ന ജിതിന് വിവാഹത്തിനാണ് നാട്ടിൽ എത്തിയത്.
ഇന്ന് രാവിലെ വിവാഹത്തിനായി പോകുന്നതിന് മുന്നോടിയായി ശുചിമുറിയിലേക്ക് പോയ ജിബിനെ ഏറെ നേരം കഴിഞ്ഞിട്ടും പുറത്തേക്ക് കണ്ടില്ല. ഇതേത്തുടര്ന്ന് വാതില് പൊളിച്ച് അകത്തു കടന്നു നോക്കിയപ്പോഴാണ് കൈ ഞരമ്പ് മുറിച്ച് മരിച്ച നിലയില് കണ്ടെത്തുന്നത്. വിവാഹത്തില് എതിര്പ്പ് പറഞ്ഞിരുന്നില്ലെന്നും,എന്തെങ്കിലും പ്രശ്നങ്ങളുള്ളതായി ബന്ധുക്കൾക്കോ സുഹൃത്തുക്കൾക്കോ ഒരു സൂചനയുമില്ലായിരുന്നതായും പറയുന്നു.. ജിബിന്റെ ഫോണ് വിശദമായ പരിശോധനയ്ക്ക് അയക്കാനാണ് പൊലീസിന്റെ തീരുമാനം.