പള്ളിക്കത്തോട് - മാലിന്യമുക്തം നവകേരളം ക്യമ്പയിന്റെ ഭാഗമായി പൊതു ഇടജനകീയ ശുചീകരണ പ്രവര്‍ത്തനങ്ങള്‍ക്ക് പാമ്പാടി ബ്ലോക്കില്‍ തുടക്കമായി.
ബ്ലോക്ക് പഞ്ചായത്ത് തല പരിപാടിയുടെ ഭാഗമായി അരുവിക്കുഴി ടൂറിസ്റ്റ് കേന്ദ്രം വൃത്തിയാക്കി. ശുചീകരണ പരിപാടിയുടെ ഉദ്ഘാടനം പാമ്പാടി ബ്ലോക്ക് പഞ്ചായത്ത് പ്രസിഡന്റ് ബെറ്റി റോയി മണിയങ്ങാട്ട് നിര്‍വ്വഹിച്ചു. ബ്ലോക്ക് വൈസ് പ്രസിഡന്റ് പ്രോഫസര്‍ എം കെ രാധാകൃഷ്ണന്‍ അധ്യക്ഷനായിരുന്നു. ബ്ലോക്ക് ജോയിന്റ് ബി ഡി ഒ ഷിനു ജോര്‍ജ്ജ് സ്വാഗതവും, ശുചിത്വമിഷന്‍ പാമ്പാടി ബ്ലോക്ക് റിസോഴ്‌സ് പേഴ്‌സണ്‍ ഹരികുമാര്‍ മറ്റക്കര നന്ദിയും പറഞ്ഞു.ആശംസകള്‍ നേര്‍ന്നുകൊണ്ട് ബ്ലോക്ക് മെമ്പര്‍മാരായ ബിജു തോമസ്, റ്റി എം ജോര്‍ജ്ജ്, കൂരോപ്പട പഞ്ചായത്ത് മെമ്പര്‍ മോഹനന്‍ റ്റി ജി, ബ്ലോക്ക് എച്ച് ഐ സി ഓഫീസര്‍ ജയകുമാര്‍ പി ആര്‍, നിര്‍മ്മല സെബാസ്റ്റന്‍ തുടങ്ങിയവര്‍ സംസാരിച്ചു. സംസ്ഥാന മന്ത്രതല യോഗ തീരുമാനപ്രകാരം നവംബര്‍ ഒന്നുവരെ എല്ലാ മൂന്നാം ശനിയാഴ്ചകളിലുമാണ് തദ്ദേശസ്വംയംഭരണ സ്ഥാപനങ്ങള്‍ ജനകീയ ശുചീകരണ പ്രവര്‍ത്തനങ്ങള്‍ പൊതു ഇടങ്ങളില്‍ നടത്തുന്നത് .സന്നദ്ധ സംഘടനകള്‍ക്കും ഈ പരിപാടിയില്‍ പങ്കുചേരാന്‍ അവസരമുണ്ട്.മികച്ച പ്രവര്‍ത്തനം നടത്തുന്ന സംഘടനകള്‍ക്ക് പുരസ്‌കാരങ്ങളും വിതരണം ചെയ്യും
