കോടതി മേല്നോട്ടത്തില് കേന്ദ്ര ഏജന്സിയുടെ അന്വേഷണം വേണം എന്ന് ആവശ്യപ്പെട്ടാണ് പ്രതിഷേധമെന്ന് ആന്റോ ആന്റണി എംപി പറഞ്ഞു. അന്വേഷണ ത്തില് പല തടസങ്ങളും നേരിടുന്നു. അതിനാല് സമഗ്രമായ അന്വേഷണം വേണം. മഞ്ഞുമലയുടെ ഒരറ്റം മാത്രമാണ് ഇപ്പോള് പുറത്തുവന്നിട്ടുള്ളത് ആന്റോ ആന്റണി പറഞ്ഞു.
തദ്ദേശ ഭരണ തെരഞ്ഞെടുപ്പ് ഫലത്തിന് പിന്നാലെയാണ് യുഡിഎഫ് നീക്കം. നേരത്തെ കെസി വേണുഗോപാലും ഹൈബി ഈഡനും ഈ വിഷയം ലോക്സഭയില് ഉന്നയിച്ചിരുന്നു. അതേസമയം, ശബരിമല സ്വര്ണ്ണ മോഷണത്തില് പ്രത്യേക അന്വേഷണ സംഘത്തിന് മുന്നില് മുന് പ്രതിപക്ഷ നേതാവ് രമേശ് ചെന്നിത്തല മൊഴി നല്കി. സ്വര്ണ്ണക്കൊള്ളയില് പുരാവസ്തു കള്ളക്കടത്ത് സംഘങ്ങള്ക്ക് ബന്ധമെന്ന ആരോപണത്തിനു പിന്നാലെയാണ് ഈഞ്ചക്കലിലെ ക്രൈംബ്രാഞ്ച് ഓഫീസിലെത്തി രമേശ് ചെന്നിത്തല മൊഴി നല്കിയത്.