തൃശൂർ മംഗലംഡാമിൽ ആലിങ്കൽ വെള്ളച്ചാട്ടം കാണാൻ എത്തി 5 അംഗ സംഘം. തിപ്പിലിക്കയം വെള്ളക്കെട്ടിൽ മുങ്ങി 17 കാരന് ദാരുണാന്ത്യം. തൃശൂർ കാളത്തോട് ചക്കാലത്തറ 17 കാരനായ അക്മൽ ആണ് മരിച്ചത്. ഇന്ന് രാവിലെ തൃശൂർ ഭാഗത്തുനിന്നെത്തിയ 5 അംഗസംഘം ഫോട്ടോ എടുക്കാൻ വേണ്ടി പാറക്കെട്ടിൽ കയറിയപ്പോൾ തെന്നിവീഴുകയായിരുന്നു. കൂടെയുണ്ടായിരുന്നവർ വിവരമറിയിച്ചതിനെ തുടർന്ന് മംഗലം ഡാം പൊലീസും അഗ്നിരക്ഷാസേനയും നാട്ടുകാരും കൂടെ നടത്തിയ തിരച്ചിലിൽ പത്തരയോടെ ആണ് മൃതദേഹം പുറത്തെടുത്തത്.