മലപ്പുറം വേങ്ങരയിൽ 3 മാസം പ്രായമുള്ള കുഞ്ഞ് മരിച്ചു

മലപ്പുറം : വേങ്ങരയിൽ മുലപ്പാൽ ശ്വാസകോശത്തിൽ കുരുങ്ങി മൂന്ന് മാസം പ്രായമുള്ള ആൺകുഞ്ഞ് മരിച്ചു.എ.ആർ നഗർ കക്കാടംപുറം സ്വദേശികളായ കെ.എം സുഹൈർ – ഷാബിയ ദമ്പതികളുടെ മകൻ ദഖ്വാൻ ആണ് മരിച്ചത്.

തിങ്കളാഴ്ച രാത്രി പാൽ നൽകി ഉറക്കിയതായിരുന്നു കുഞ്ഞിനെ ചൊവ്വാഴ്ച‌ രാവിലെ കുഞ്ഞിന് അനക്കമില്ലാത്തതിനെ തുടർന്ന് ഉടൻ തന്നെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.മുലപ്പാൽ ശ്വാസകോശത്തിൽ കുരുങ്ങിയതാണ് മരണകാരണമെന്ന് പ്രാഥമിക നിഗമനം.