‘കേരളത്തെ തകർക്കാൻ ഗൂഢനീക്കം’; കേന്ദ്രത്തിനെതിരെ മുഖ്യമന്ത്രിയുടെ നേതൃത്വത്തിൽ സത്യഗ്രഹം നാളെ

കേരളത്തെ തകർക്കാൻ കേന്ദ്രസർക്കാർ ഗൂഢനീക്കങ്ങൾ നടത്തുന്നുവെന്ന് ആരോപിച്ച് മുഖ്യമന്ത്രി പിണറായി വിജയന്റെ നേതൃത്വത്തിൽ തിങ്കളാഴ്ച സത്യഗ്രഹ സമരം. മന്ത്രിമാരും ജനപ്രതിനിധികളും സത്യഗ്രഹസമരത്തിൽ പങ്കെടുക്കും.

തിരുവനന്തപുരം രക്തസാക്ഷി മണ്ഡപത്തിൽ രാവിലെ 10 മുതൽ വൈകീട്ട് അഞ്ചുവരെയാണ് സത്യഗ്രഹം. എൽഡിഎഫ് നേതാക്കളും പങ്കെടുക്കും. മുഖ്യമന്ത്രിയുടെ നേതൃത്വത്തിൽ 2024ൽ ഡൽഹിയിൽ നടത്തിയ സമരത്തിന്റെ തുടർച്ചയാണിത്. എൽഡിഎഫിലെ ഘടകകക്ഷികളും മുന്നണിയുമായി സഹകരിക്കുന്ന പാർട്ടികളും വർഗബഹുജന സംഘടനകളും പ്രകടനമായെത്തി സത്യഗ്രഹത്തിന് പിന്തുണ അറിയിക്കും.