ഓടികൊണ്ടിരുന്ന കെ.എസ്.ആർ.ടി.സി ബസിൽ നിന്നും റോഡിലേക്ക് വീണ് സ്കൂൾ വിദ്യാർത്ഥിക്ക് പരിക്കേറ്റു. തിരുവല്ല തിരുമൂലപുരം ബാലികാമഠം ഹയർ സെക്കന്ഡറി സ്കൂളിലെ പ്ലസ് വൺ വിദ്യാർത്ഥി ബ്ലെസ്സൻ ബൈജുവി (16)നാണ് ഗുരുതരമായി പരിക്കേറ്റത്. ഇന്ന് വൈകുന്നേരം 4.30 തോടെ എം.സി റോഡിൽ കുറ്റൂർ ജംഗ്ഷനു സമീപമായിരുന്നു അപകടമുണ്ടായത്.സ്കൂളിൽ നിന്നും ബസിൽ വീട്ടിലേക്ക് മടങ്ങവേ വാഹനത്തിൻ്റെ വാതിൽ തുറന്ന് ബ്ലസ്സൻ പുറത്തേക്ക് തെറിച്ചു വീഴുകയായിരുന്നു. വിദ്യാർത്ഥി വീണെങ്കിലും ഡ്രൈവർ സംഭവം അറിഞ്ഞിരുന്നില്ല. പിന്നീട് ബസിലെ മറ്റ് യാത്രക്കാർ ബഹളം ഉണ്ടാക്കിയതിനെ തുടർന്ന് 200 മീറ്റർ ദൂരം പിന്നിട്ട ബസ് നിർത്തുകയായിരുന്നു.