പൊതുമരാമത്ത് മന്ത്രി മുഹമ്മദ് റിയാസ് എന്എച്ച് 66ല് പ്രതിഷേധ റോഡ് ഷോ നടത്തിയ വാഹനത്തിന് ഫിറ്റ്നസ് സര്ട്ടിഫിക്കറ്റ് ഇല്ലെന്ന് പരാതി. ഇതുമായി ബന്ധപ്പെട്ട് ബിജെപി കോഴിക്കോട് സിറ്റി ജില്ലാ പ്രസിഡന്റ് അഡ്വ.പ്രകാശ് ബാബു പരാതി നല്കി. വിഷയത്തില് നടപടി എടുക്കണമെന്നും വാഹനം പിടിച്ചെടുക്കണമെന്നും ആവശ്യപ്പെട്ട് ആര്ടിഒ എന്ഫോഴ്സ് മെന്റിനാണ് പരാതി നല്കിയത്.
പ്രധാനമന്ത്രി നടത്തിയ എന്എച്ച് 66 ഉദ്ഘാടന ചടങ്ങില് അവഗണിച്ചതില് പ്രതിഷേധിച്ചാണ് മുഹമ്മദ് റിയാസ് രാമനാട്ടുകര-വെങ്ങളം റീച്ചില് റോഡ് ഷോ നടത്തിയത്. എന്എച്ച് 66-മണിക്കൂറില് പതിനായിരക്കണക്കിന് വാഹനങ്ങള് കടന്നുപോകുന്ന ഇടമാണ്. ആയതിനാല് ഫിറ്റ്നസ് ഇല്ലാത്ത വാഹനം ഉപയോഗിച്ചത് കുറ്റകരമാണെന്നും നടപടിയെടുക്കണമെന്നുമാണ് പരാതിയില് പറയുന്നു.